கோயம்புத்தூர் செய்திகள்

அதிமுக நகர இளைஞரணி செயலாளர் செந்தில்குமார் ஒரு லட்சம் ரூபாய் கடனுக்கு கந்துவட்டி கேட்டு பெண்ணை மிரட்டியுள்ளார். பாதிக்கப்பட்ட பெண் அளித்த புகாரின் பேரில், போலீசார் கந்துவட்டி மற்றும் பெண் வன்கொடுமை சட்டத்தின் கீழ் அவரை கைது செய்து சிறையில் அடைத்தனர்.

கோவையில் மது போதையில் சொகுசு காரில் வந்த நபர்களை தடுத்து நிறுத்திய போலீசார் அவர்களை கீழே இறக்கிவிட்டு காரை பறிமுதல் செய்தனர். திமுக கட்சி கொடி இருந்ததால் அவர்கள் மீது வழக்குப்பதிவு செய்யாமல் போலீசார் அனுப்பி வைத்ததாக சமூக ஆர்வலர்கள் கேள்வி.

கோவையில் சிறுமிக்கு பாலியல் தொல்லை கொடுத்த இரு வாலிபர்கள், பொதுமக்களிடம் இருந்து தப்பிக்க 60 அடி கிணற்றில் குதித்தனர். கிணற்றோர மரக்கிளையில் சிக்கிய அவர்களை தீயணைப்பு வீரர்கள் பத்திரமாக மீட்டனர்.

கோவையில் காதலனுடன் ஏற்பட்ட தகராறில், தனியார் பெண் விடுதியின் இரண்டாவது மாடியில் இருந்து இளம்பெண் ஒருவர் கீழே குதித்து தற்கொலைக்கு முயன்றுள்ளார். படுகாயமடைந்த அவர் மருத்துவமனையில் அனுமதிக்கப்பட்டுள்ள நிலையில், பீளமேடு போலீசார் விசாரணை.

கோவை விமான நிலையம் அருகே கல்லூரி மாணவி கூட்டு பாலியல் பலாத்காரம் செய்யப்பட்ட வழக்கில் குற்றவாளிகள் கைது செய்யப்பட்டனர். விசாரணையில், அவர்கள் அதே நாளில் ஆடு மேய்க்கும் தொழிலாளி ஒருவரையும் கொலை செய்தது தெரியவந்துள்ளது. 

கோவையில் கவுண்டம்பாளையம் வீட்டு வசதி வாரிய குடியிருப்பில் 13 வீடுகளில் புகுந்து 56 பவுன் நகை மற்றும் பணத்தை கொள்ளையடித்த கும்பலை போலீசார் தேடி வந்தனர். குனியமுத்தூரில் பதுங்கியிருந்த கொள்ளையர்கள் 3 பேரை போலீசார் காலில் சுட்டுப் பிடித்தனர்.

திமுக தலைவர் மு.க.ஸ்டாலின் 'உடன் பிறப்பே வா' என்ற பெயரில் கட்சி நிர்வாகிகளை சந்தித்து வருகிறார். இந்த சந்திப்பில் தேர்தல் வியூகங்கள் குறித்து கேட்டறியும் அவர், நேற்று அதிமுகவின் கோட்டையாக கருதப்படும் கோவை மாவட்ட நிர்வாகிகளுடன் ஆலோசனை நடத்தினார்.

கோவை விமான நிலையம் அருகே கல்லூரி மாணவி கூட்டு பாலியல் வன்கொடுமை செய்யப்பட்ட வழக்கில், தொடர்புடைய மூன்று குற்றவாளிகளையும் 7 தனிப்படைகள் தேடி வந்தன. இந்நிலையில், வெள்ளகிணறு பகுதியில் பதுங்கியிருந்த மூன்று பேரையும் போலீசார் சுட்டுப்பிடித்தனர். 

கோவையில் கல்லூரி மாணவி கூட்டு பாலியல் வன்கொடுமை சம்பவத்தை கண்டித்து தமிழக பாஜக மகளிரணியினர் தீப்பந்தம் கையில் ஏந்தி போராட்டம் நடத்தினார்கள். திமுக ஆட்சியில் பெண்களுக்கு பாதுகாப்பில்லை என குற்றம்சாட்டினார்கள்.

கோவை மாவட்டம் பொள்ளாச்சியில், கருத்து வேறுபாடு காரணமாக பிரிந்து வாழ்ந்து வந்த ஸ்வேதா என்பவரை அவரது கணவர் பாரதி நடுரோட்டில் வாக்குவாதத்திற்குப் பிறகு கத்தியால் குத்திக் கொலை செய்தார். தப்பியோட முயன்ற பாரதியை பொதுமக்கள் பிடித்து போலீஸ் விசாரணை