ரயில் வெயிட்டிங் லிஸ்ட்.. GNWL vs PQWL vs RLWL.. எதில் சீட் சீக்கிரம் கன்பார்ம் ஆகும்? முழு விவரம்!

இந்தியாவில் ரயிலில் பயணிக்க யார் தான் ஆசைப்பட மாட்டார்கள். நமது நாட்டின் போக்குவரத்தில் முதுகெலும்பாக இருக்கும் ரயிலில் தினமும் லட்சக்கணக்கான பயணிகள் பயணம் செய்து வருகின்றனர். இந்தியாவில் சாதாரண பயணிகள் ரயில் முதல் வந்தே பாரத் போன்ற சொகுசு ரயில்களும் இயக்கப்பட்டு வருகின்றன. ரயில்களின் எண்ணிக்கை அதிகரித்தாலும் டிமாண்ட் உயர்ந்து வருவதால் கன்பார்ம் டிக்கெட் பெறுவது குதிரை கொம்பாக உள்ளது.

இதனால் சில மாதங்களுக்கு முன்பு வெயிட்டிங் லிஸ்ட் இருந்தாலும் கன்பார்ம் ஆகும் கருதி பலரும் டிக்கெட் புக் செய்து விடுகின்றனர். நீங்கள் ரயில் டிக்கெட் புக் செய்துபோது வெயிட்டிங் லிஸ்ட் வந்தாலும் அது GNWL,

PQWL , RLWL என 3 விதங்களில் இருக்கும். இந்த மூன்றுக்கும் என்ன வித்தியாசம்? அதில் டிக்கெட் ஈஸியாக கன்பார்ம் ஆகும் என்பது குறித்து பார்க்கலாம்.

GNWL என்றால் ஜெனரல் வெயிட்டிங் லிஸ்ட் (General Waiting List). ரயில் கிளம்பும் நிலையத்தில் இருந்து நீங்கள் டிக்கெட் புக் செய்தால் இந்த கோட் வரும். இதில் சீட் கன்ஃபார்ம் ஆக வாய்ப்பு ரொம்ப அதிகம். ஏன் என்றால் ரயில் புறப்படும் இடத்துலதான் அதிக சீட் கோட்டா இருக்கும். உங்கள் வெயிட்டிங் லிஸ்ட் 10 அல்லது 15 என்று இருந்தால் உடனே பயப்படாதீங்க, 90% கன்ஃபார்ம் ஆகிடும்.

PQWL

PQWL (Pooled Quota Waiting List) கோட், நீங்க நடுவில் இருக்குற நிலையங்களில் இருந்து பயணம் செய்யும்போது வரும். அதாவது, ரயில் கிளம்புற இடத்துலயும் இல்லாமல், சேரும் இடத்துலயும் இல்லாமல் நடுவில் உள்ள ஸ்டேஷனில் ஏறி இறங்குறவங்களுக்கு இது. இந்த கோட்டா ரொம்ப கம்மி. ஆகையால் இதில் கன்ஃபார்ம் ஆக ரொம்ப லேட் ஆகும்.

RLWL-னா ரிமோட் லொகேஷன் வெயிட்டிங் லிஸ்ட் (Remote Location Waiting List). இது, ரயில் போகும் வழியில் இருக்குற சில முக்கியமான ஸ்டேஷன்களுக்கு மட்டும் இருக்கும். இந்த ஸ்டேஷன்களுக்கு ஒரு குறிப்பிட்ட, கோட்டாதான் இருக்கும். ஆகையால் இதில் சீட் கிடைக்கிறது ரொம்பவே கஷ்டம். 

உதாரணத்துக்கு, நீங்கள் சென்னையில் இருந்து பெங்களூருவுக்கு டிக்கெட் புக் பண்றீங்க. சிஸ்டம் உங்களுக்கு 'வெயிட்டிங் 10' என்று காட்டுகிறது. உடனே நீங்கள் டென்ஷன் ஆக வேண்டாம். உங்களுக்கு முன்னாடி 10 பேர் டிக்கெட்டை கேன்சல் செஞ்சிருந்தாலும், ரயில்வே சிஸ்டம் உங்களுக்கு 'வெயிட்டிங் 10'னுதான் காட்டும். ஆனால் அந்த சீட் ஏற்கெனவே காலி ஆகிடுச்சு. சார்ட் ரெடி ஆகும்போது உங்கள் டிக்கெட் 100% கன்ஃபார்ம் ஆகிடும்.

இந்த மூன்றில் எது பெஸ்ட்?

ஒட்டுமொத்தத்தில் எப்பவும் GNWL கோட்ட இருந்தால் மட்டுமே டிக்கெட் புக் பண்ண முயற்சி பண்ணுங்க. இதில் ரயில் கிளம்பும் ஸ்டேஷன்னில் இருந்து டிக்கெட் புக் செய்து விட்டு'போர்டிங் பாயின்ட்' மாத்திக்கலாம். இதுக்கு கொஞ்சம் பணம் அதிகமாகலாம், ஆனா கன்ஃபார்ம் சீட் கிடைக்கிற உத்தரவாதம் அதிகமாகும்.