எல்லாம் முடிந்தது என நினைத்த அஞ்சலிக்கு காத்திருந்த பேரதிர்ச்சி! சத்யா செய்த அந்த ரகசிய உதவி என்ன?! கெட்டிமேளம் அப்டேட்.!

ஜீ தமிழ் தொலைக்காட்சியின் 'கெட்டி மேளம்' தொடர் தற்போது விறுவிறுப்பான கட்டத்தை எட்டியுள்ளது. அஞ்சலியின் தன்னம்பிக்கையைச் சிதைக்க நினைக்கும் மகேஷின் சதித் திட்டத்தால், அஞ்சலியின் வாழ்வாதாரமான கேரேஜ் தீப்பற்றி எரிந்து நாசமாகியுள்ளது.

அஞ்சலியின் மீது கோபத்தில் இருந்த மகேஷ், அஞ்சலியைப் பணிய வைக்க ரௌடிகளை ஏவி அவளது கேரேஜை கொளுத்தச் சொல்கிறான். நள்ளிரவில் பெட்ரோல் ஊற்றி வைக்கப்பட்ட தீயினால், கேரேஜில் இருந்த அனைத்துப் பொருட்களும் எரிந்து சாம்பலாகின்றன. புகை மூட்டத்திற்குள் சிக்கிக்கொண்ட சிவராமனை, சத்யா சரியான நேரத்தில் வந்து காப்பாற்றுகிறான்.

தன் உழைப்பு கண்முன்னே கருகிப் போனதைக் கண்டு அஞ்சலி நிலைகுலைந்து போகிறாள். இதற்கிடையே, வீட்டு உரிமையாளர் வீட்டை காலி செய்யச் சொல்லியும், மாநகராட்சி அதிகாரிகள் அனுமதியின்றி கேரேஜ் நடத்தியதாக நோட்டீஸ் ஒட்டியும் அஞ்சலியை மேலும் மன உளைச்சலுக்கு ஆளாக்குகின்றனர். இந்த இக்கட்டான சூழலில் அங்கு வரும் மகேஷ், "என் பேச்சை கேட்டிருந்தால் இந்த நிலை வந்திருக்காது" என அஞ்சலியை ஏளனம் செய்கிறான்.

சத்யாவின் கைகொடுத்த உதவி: வீட்டில் லட்சுமி அஞ்சலியைச் சாடினாலும், அஞ்சலியின் வலியை உணர்ந்த சத்யா அவளுக்குத் துணையாக நிற்கிறான். வாடிக்கையாளர்களுக்குக் கொடுத்த வாக்கைக் காப்பாற்ற வேண்டும் என்பதற்காக, சத்யா தனது நண்பர் ஒருவரின் கேரேஜிற்கு அஞ்சலியை அழைத்துச் செல்கிறான். சத்யாவின் வேண்டுகோளை ஏற்று, அந்த நண்பர் அஞ்சலிக்குத் தனது இடத்தைக் கொடுத்து உதவுகிறார். 

தற்போது முருகன், ரேவதி உள்ளிட்டோர் அஞ்சலிக்கு ஆதரவாகக் களமிறங்கியுள்ளனர். மகேஷின் சூழ்ச்சிகளை முறியடித்து அஞ்சலி மீண்டும் தனது தொழிலில் வெற்றி பெறுவாளா? என்பதை வரும் வாரங்களில் 'கெட்டி மேளம்' தொடரில் காணலாம்.