குரோமுக்கு போட்டியாக களத்தில் இறங்கிய சாட்ஜிபிடி அட்லஸ்.. ஓபன்ஏஐ போட்ட சரவெடி!
ஓபன்ஏஐ, 'சாட்ஜிபிடி அட்லஸ்' என்ற புதிய ஏஐ வெப் பிரவுசரை வெளியிட்டுள்ளது. இது கூகுள் குரோம் மற்றும் பெர்பிலெக்சிட்டியின் காமெட் பிரவுசருக்கு போட்டியாக, சாட்ஜிபிடி சேவையுடன் ஒருங்கிணைந்து செயல்படுகிறது.
சாட்ஜிபிடி அட்லஸ்
ஓபன்ஏஐ புதிய ஏஐ வெப் பிரவுசர் ‘சாட்ஜிபிடி அட்லஸ்’ (ChatGPT Atlas) ஐ வெளியிட்டுள்ளது. இது கூகுள் குரோம் மற்றும் பெர்பிலெக்சிட்டியின் காமெட் பிரவுசரை நேரடியாக சவால் விடும் வகையில் உருவாக்கப்பட்டுள்ளது. பிரபலமான சாட்ஜிபிடி சேவையுடன் ஒருங்கிணைக்கப்பட்ட அட்லஸ், வலை பிரவுசர் மற்றும் ஏஐ உதவியாளராக புதிய அனுபவத்தை வழங்குகிறது. தற்போது, மேக்ஓஎஸ் பயனர்கள் இதை பயன்படுத்தக்கூடிய நிலையில் உள்ளனர். மேலும் விரைவில் விண்டோஸ், ஐஓஎஸ் மற்றும் ஆண்ட்ராய்டு பதிப்புகளும் வெளியாகும் என எதிர்பார்க்கப்படுகிறது.
ஓபன்ஏஐ புதிய ஏஐ வெப் பிரவுசர்
இணைய பிரவுசர் சந்தையில் கூகுளின் குரோம் பிரவுசர் பெரும் ஆதிக்கம் கொண்டுள்ளது. சுமார் 60% சந்தைப் பங்கு குரோமிடம் உள்ளது. உலகளவில் 300 கோடிக்கும் மேலான பயனர்கள் இதனைப் பயன்படுத்துகின்றனர். ஆப்பிள் சாதனங்களில் பிரவுசர் சஃபாரி, மைக்ரோசாப்ட் எட்ஜ் மற்றும் மொஸில்லா ஃபயர்பாக்ஸ் ஆகியவை அடுத்த இடங்களில் உள்ளன.
அட்லஸ் vs குரோம்
கூகுள் குரோமுக்கு வலுவான போட்டியை உருவாக்கும் நோக்கில், ஏஐ ஸ்டார்ட்-அப் நிறுவனம் பெர்பிலெக்சிட்டி ஜூலை 9, 2025 அன்று ‘காமெட்’ என்ற ஏஐ வெப் பிரவுசரை அறிமுகப்படுத்தியது. ஆகஸ்ட் மாதத்தில் காமெட் பிளஸ் சேவை தொடங்கப்பட்டது, ஆரம்பத்தில் மேக்ஸ் சந்தாதாரர்கள் மாதம் 200 டாலர் கட்டணத்தில் இதைப் பயன்படுத்துகின்றனர்.
இலவச எஐ பிரவுசர்
அதனை தொடர்ந்து அக்டோபர் மாதத்தில், பெர்பிலெக்சிட்டி அனைத்து பயனர்களுக்கும் காமெட் பிரவுசரை இலவசமாக்கியது. இது இணைய தேடல்கள், மின்னஞ்சல் உருவாக்கம், டேப் ஒழுங்கமைப்பு மற்றும் ஆன்லைன் ஷாப்பிங் போன்ற வேலைகளில் தனிப்பட்ட உதவியாளராக செயல்படுகிறது. முழுமையாக இலவசமாக்கப்பட்டதால், காமெட் கூகுள் குரோமுக்கு வலுவான மற்றும் தனித்துவமான போட்டியாளராக திகழ்கிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
