இந்தியர்களுக்கு குட் நியூஸ்.. அமெரிக்காவில் படிக்கும் மாணவர்களுக்கு இதுதான் தீபாவளி பரிசு!

அமெரிக்காவில் படிக்கும் வெளிநாட்டு மாணவர்கள் மற்றும் வேலை வாய்ப்பை எதிர்பார்க்கும் தொழில்நுட்பப் பணியாளர்களுக்கு நல்ல செய்தி வெளியாகி உள்ளது. அமெரிக்க குடியுரிமை மற்றும் குடியேற்ற சேவைகள் (USCIS) H-1B விசா விண்ணப்ப கட்டண உயர்வில் முக்கிய விளக்கத்தை வெளியிட்டுள்ளது. இதனால் அமெரிக்காவில் ஏற்கனவே உள்ள மாணவர்களுக்கு தொழில்நுட்பப் பணியாளர்களுக்கும் கடுமையான கட்டணக் கவலை நீங்கப்போகிறது.

USCIS அறிவிப்பின் படி, $1,00,000 (சுமார் ரூ.83 லட்சம்) கட்டணம் அமெரிக்காவிற்கு வெளியில் இருந்து H-1B விண்ணப்பிப்பவர்களுக்கு மட்டுமே பொருந்தும். அதாவது, அமெரிக்காவில் வேலைக்காக புதிய விண்ணப்பத்தை தாக்கும் நபர்கள் மட்டும் இந்த கட்டணத்தை செலுத்த வேண்டியிருக்கும்.

ஏற்கனவே அமெரிக்காவில் படிக்கும் மாணவர்கள், F-1 விசாடன் H-1Bக்கு மாற்றம் செய்யும் மாணவர்கள், மற்றும் தற்போதைய H-1B விசா ஹோல்டர்கள் எல்லோரும் இந்த புதிய கட்டணத்திலிருந்து விலகியுள்ளனர். H-1B விஸா நீட்டிப்பு, மாற்றம் அல்லது பரிசீலனை செய்யும் பொழுதும் கட்டணம் தேவையில்லை. இதனால் இந்திய மாணவர்கள் மற்றும் தொழில்நுட்பப் பணியாளர்கள் பெரும் தளர்வை அனுபவிக்கலாம்.

இந்த விதி செப்டம்பர் 21, 2025 அறிவிப்புக்குப் பிறகு தாக்கல் செய்யப்பட்ட விண்ணப்பங்களுக்கு மட்டுமே பொருந்தும். கட்டணத்தை ஆன்லைனில் செலுத்தும் வசதியும் வழங்கப்பட்டுள்ளது. 2024ல் வெளியிடப்பட்ட H-1B விசாக்களில் 70% இந்தியர்கள் பெற்றனர். அதனால் புதிய விதிகள் நேரடி தாக்கத்தை ஏற்படுத்தும். ஆனால், அமெரிக்காவில் படிக்கும் மாணவர்களுக்கு இது மிகப்பெரும் தளர்வு ஆகும்.