கொட்டிக்கிடக்கும் தக்காளி.! மூட்டை மூட்டையாக வெங்காயம்- ஒரு கிலோ இவ்வளவு தானா.?

சமையல் என்றாலே காய்கறிகள் முக்கிய பங்கு வகிக்கும், குறிப்பாக ரசம், சாம்பார், பொறியல், கூட்டு, பிரியாணி என அனைத்து வகையான சமையலுக்கும் காய்கறிகள் தேவைப்படுகிறது. இதில் எந்த காய்களை மக்கள் வாங்குகிறார்களோ இல்லையோ கண்டிப்பாக தக்காளி மற்றும் வெங்காயத்தை அதிகளவு மக்கள் வாங்கி செல்வார்கள். 

பை நிறைய இந்த இரண்டு காய்களை மட்டுமே அதிகளவில் வாங்கி செல்வார்கள். ஆனால் இதன் விலை உயர்ந்தால் இல்லத்தரசிகளின் நிலைமை திண்டாட்டம் தான். அந்த வகையில் கடந்த சில மாதங்களுக்கு முன்பாக இதுவரை இல்லாத வகையில் தக்காளி மற்றும் வெங்காயத்தின் விலை உச்சத்தை தொட்டது.

ஒரு கிலோ தக்காளி 180 ரூபாய்க்கும், வெங்காயம் 150 ரூபாயையும் தாண்டியது. இதனால் ஏழை எளிய மக்களா வாங்க முடியாத நிலைக்கு தள்ளப்பட்டனர். தக்காளி வெங்காயம் இல்லாமல் சமைக்க தொடங்கினர். ஆனால் அடுத்த சில மாதங்களில் தக்காளி மற்றும் வெங்காயத்தின் வரத்து அதிகரிப்பால் விலையானது சரசரவென சரிந்தது. 

ஒரு கிலோ தக்காளி 10 ரூபாய்க்கு விற்பனையானது. வெங்காயத்தின் விலை ஒரு கிலோ 20 முதல் 35 ரூபாய்க்கு விற்பனை செய்யப்பட்டது. இந்த நிலையில் கடந்த சில நாட்களாக தக்காளி விலையானது அதிகரித்துள்ளது. அண்டை மாநிலங்களில் பெய்து வரும் கன மழை காரணமாக விளைச்சல் பாதிக்கப்பட்டது.

இதனால் குறைந்த அளவிலேயே காய்கறிகள் சந்தைக்கு வருகிறது. ஒரு கிலோ தக்காளி விலை 40 முதல் 70 ரூபாய்க்கு விற்பனை செய்யப்பட்டது. இன்று தக்காளி வரத்து சற்று அதிகரித்துள்ளது. இதனால் தக்காளி விலை குறைந்துள்ளது. ஒரு கிலோ தக்காளி தரத்தை பொறுத்து விற்பனை விலை மாறுபடுகிறது. 

சிறிய அளவிலான தக்காளி 5 கிலோ 100 ரூபாய்க்கு விற்பனை செய்யப்படுகிறது. அடுத்த ரக தக்காளி ஒரு கிலோ 35 ரூபாய்க்கும், தரமான தக்காளி ஒரு கிலோ 45 ரூபாய்க்கும் விற்பனை செய்யப்படுகிறது. அதே நேரம் ஒரு கிலோ வெங்காயம் 20 முதல் 25 ரூபாய் வரை விற்பனை செய்யப்பட்டு வருகிறது.

சென்னை கோயம்பேடு காய்கறி சந்தையில் பச்சை காய்கறிகளின் விலையை தற்போது பார்க்கலாம், பச்சை மிளகாய் ஒரு கிலோ 40 ரூபாய்க்கும், பீட்ரூட் ஒரு கிலோ 30 ரூபாய்க்கும், உருளைக்கிழங்கு ஒரு கிலோ 30 ரூபாய்க்கும், வாழைப்பூ ஒரு கிலோ 15 ரூபாய்க்கும்,

 குடைமிளகாய் ஒரு கிலோ 35 ரூபாய்க்கும், பாகற்காய் ஒரு கிலோ 30 ரூபாய்க்கும், சுரைக்காய் ஒரு கிலோ 35 ரூபாய்க்கும், அவரைக்காய் ஒரு கிலோ 30 ரூபாய்க்கும், முட்டைக்கோஸ் ஒரு கிலோ 15 ரூபாய்க்கும், கேரட் ஒரு கிலோ 50 ரூபாய்க்கும், காலிபிளவர் ஒரு கிலோ 20 ரூபாய்க்கும் விற்பனை செய்யப்படுகிறது.

கொத்தவரை ஒரு கிலோ 45 ரூபாய்க்கும், வெள்ளரிக்காய் ஒரு கிலோ 30 ரூபாய்க்கும், முருங்கைக்காய் ஒரு கிலோ 25 ரூபாய்க்கும், கத்திரிக்காய் ஒரு கிலோ 30 ரூபாய்க்கும், பீன்ஸ் ஒரு கிலோ 35 ரூபாய்க்கும், இஞ்சி ஒரு கிலோ 70 ரூபாய்க்கும், வெண்டைக்காய் ஒரு கிலோ 30 ரூபாய்க்கும்,

 முள்ளங்கி ஒரு கிலோ 40 ரூபாய்க்கும், பீர்க்கங்காய் ஒரு கிலோ 50 ரூபாய்க்கும், புடலங்காய் ஒரு கிலோ 25 ரூபாய்க்கும், பெரிய வெங்காயம் ஒரு கிலோ 20 முதல் 25 ரூபாய்க்கும், சின்ன வெங்காயம் ஒரு கிலோ 40 முதல் 50 ரூபாய்க்கும், தக்காளி ஒரு கிலோ 35 முதல் 50 ரூபாய்க்கும் விற்பனை செய்யப்பட்டு வருகிறது