தொழில் தொடங்க உரிமம் பெற கட்டணம் எவ்வளவு தெரியுமா.? தமிழக அரசு புதிய பட்டியல் வெளியீடு

படித்த படிப்பிற்கு உரிய வேலை கிடைக்காமல் ஏராளமானோர் சொந்த தொழில் செய்ய தொடங்கி வருகின்றனர். அதிலும் மாத சம்பளத்தில் வரும் வருமானத்தை வைத்து குடும்பத்தை பார்த்துக்கொள்ள முடியாத காரணத்தால் பார்ட் டைமாக சொந்தமாக பிசினஸ் செய்ய தொடங்கியுள்ளனர். அதிலும் ஒரு சிலர் மாத சம்பளம் கிடைக்கும் வேலையை தூக்கி எரிந்து விட்டு சொந்த தொழில் தொடங்கி வருகிறார்கள். இந்த நிலையல் சொந்த தொழில் தொடங்கும் நிலையில் அரசிடம் உரிமம்

பெற கட்டணம் கட்ட வேண்டும். அந்த வகையில் தமிழ்நாட்டில் ஊரக உள்ளாட்சிகளில் தொழில் உரிமம் வழங்குவது தொடர்பாக விதிகளை உருவாக்கி தமிழ்நாடு அரசு உத்தரவிட்டுள்ளது.

தமிழகத்தில், தொழில் உரிமம் வசூலிக்க, அந்தந்த நகர்புற உள்ளாட்சி அமைப்புகளில், துணை விதிகள் ஏற்படுத்தப்பட்டுள்ளது. இதன் படி கட்டணம் நிர்ணயிக்கப்பட்டுள்ளது. இந்நிலையில், தமிழகம் முழுவதும் உள்ள ஊரக உள்ளாட்சி அமைப்புகளில் தொழில் உரிம வழங்குவது தொடர்பாக விதிகளை உருவாக்கி தமிழக அரசு அரசிதழில் வெளியிடப்பட்டுள்ளது. 

அந்த வகையில் டீக்கடைகள், உணவகங்கள், தங்கும் இடங்கள், திருமண மண்டபங்கள், சிறு அரங்குகள், சிறு, குறு மற்றும் நடுத்தர தொழில் நிறுவனங்கள், வணிக நிறுவனங்களின் குடோன்கள், தனியார் நிறுத்தங்கள் மற்றும் தனியார் இறைச்சி கூடங்கள் என்று தனித் தனியாக கட்டணம் நிர்ணயம் செய்யப்பட்டு அறிவிக்கப்பட்டுள்ளது.

சிறு, குறு மற்றும் நடுத்தர தொழில் நிறுவனங்கள் தாங்கள் செய்யும் முதலீட்டு தொகையின் அடிப்படையில் நகர்புறங்களை ஒட்டியுள்ள ஊராட்சிகளில் 1000 முதல் 50 ஆயிரம் வரையிலும், மற்ற ஊராட்சிகளில் 250 முதல் 35 ஆயிரம் வரை கட்டணம் நிர்ணயம் செய்யப்பட்டு புதிய கட்டண பட்டியலாக வெளியிடப்பட்டுள்ளது. வணிக நிறுவனங்களின் குடோன்களுக்கு நகர்புறங்களை ஒட்டியுள்ள ஊராட்சிகளில் 700 முதல் 10 ஆயிரம் வரையிலும், மற்ற ஊராட்சிகளில் 500 முதல் 7 ஆயிரம் வரை கட்டணம் நிர்ணயம் செய்யப்பட்டுள்ளது.

டீக்கடைகள் மற்றும் உணவகளுக்கு 500 முதல் 10 ஆயிரம் வரை, தமிழ்நாடு பொது சுகாதார சட்டத்தின் கீழ் வகைபடுத்தப்பட்ட தங்கும் விடுதிகளுக்கு ரூ.2000 முதல் ரூ.30 ஆயிரம், திருமண மண்டபங்களுக்கு ரூ.2000 ஆயிரம் முதல் 30 ஆயிரம், தனியார் நிறுத்தங்களுக்கு 1500 முதல் 18 ஆயிரம் வரை உரிம கட்டணமாக நிர்ணயம் செய்யப்பட்டுள்ளது. தமிழ்நாடு உணவு விடுதிகள் சட்டத்தின் கீழ் உரிமம் பெற உணவகங்களுக்கு 700 முதல் 3500 ரூபாய் நிர்ணயிக்கப்பட்டுள்ளது.