- Home
- Tamil Nadu News
- தமிழகத்தில் மழை அடிச்சு ஊத்தப்போகுதா? வானிலை மையம் சொல்வது என்ன? இதோ லேட்டஸ்ட் அப்டேட்!
தமிழகத்தில் மழை அடிச்சு ஊத்தப்போகுதா? வானிலை மையம் சொல்வது என்ன? இதோ லேட்டஸ்ட் அப்டேட்!
TN Weather Update: தமிழகத்தில் இன்று மற்றும் நாளை இடி, மின்னல், பலத்த காற்றுடன் கூடிய லேசானது முதல் மிதமான மழைக்கு வாய்ப்பு.
Tamilnadu rain
தென்னிந்திய பகுதிகளின் மேல், வளிமண்டல கீழடுக்கு பகுதிகளில், கிழக்கு மற்றும் மேற்கு திசை காற்று சந்திக்கும் பகுதி நிலவுகிறது. இதன் காரணமாக இன்று மற்றும் நாளை தமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும், இடி, மின்னல் மற்றும் பலத்த காற்றுடன் கூடிய (மணிக்கு 30 முதல் 40 கிலோ மீட்டர் வேகத்தில்) லேசானது முதல் மிதமான மழை பெய்யக்கூடும் என வானிலை மையம் தெரிவித்துள்ளது.
Tamilnadu Rain News
லேசானது முதல் மிதமான மழைக்கு வாய்ப்பு
மேலும் ஏப்ரல் 20 முதல் 24ம் தேதி வரை தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.
இதையும் படிங்க: ஆஹா! ஏப்ரல் 23ம் தேதி வரை இடி மின்னலுடன் மழை! அப்படினா! சென்னையில் கிளைமேட் எப்படி இருக்கும்?
Heatwave
அதிகபட்ச வெப்பநிலை பற்றிய முன்னறிவிப்பு:
இன்று முதல் 20ம் தேதி வரை தமிழகத்தில் ஓரிம இடங்களில் அதிகபட்ச வெப்பநிலை படிப்படியாக 2-3 டிகிரி செல்சியஸ் வரை உயரக்கூடும். அதேபோல் ஏப்ரல் 21 மற்றும் 22ல் தமிழகத்தில் அதிகபட்ச வெப்பநிலையில் பொதுவாக பெரிய மாற்றத்திற்கான வாய்ப்பு குறைவு என தெரிவித்துள்ளது.
Tamilnadu Heatwave
வெப்ப அளவின் வேறுபாடு:
இன்று தமிழகத்தில் ஓரிய இடங்களில் அதிகபட்ச வெப்பநிலை 2-3 டிகிரி செல்சியஸ் இயல்பை விட அதிகமாக இருக்கக்கூடும். அதேபோல் நாளை முதல் 22ம் தேதி வரை தமிழகத்தில் ஒருசில இடங்களில் அதிகபட்ச வெப்பநிலை 2-3 டிகிரி செல்சியஸ் இயல்பை விட அதிகமாக இருக்கக்கூடும்.
இதன் காரணமாக இன்று முதல் 20ம் தேதி வரை அதிக வெப்பநிலையும், அதிக ஈரப்பதமம், குறைந்தபட்ச வெப்பநிலை ஒருசில இடங்களில் இயல்பை விட 2-3 டிகிரி செல்சியஸ் அதிகமாகவும் இருக்கும் நிலையில், தமிழகத்தில் ஒருசில பகுதிகளில் அசௌகரியம் ஏற்படலாம்.
இதையும் படிங்க: தமிழகம் முழுவதும் ஏப்ரல் 19ம் தேதி எந்தெந்த பகுதியில் மின்தடை? இதோ லிஸ்ட்!
Chennai weather update
சென்னை வானிலை அப்டேட்
சென்னை மற்றும் புறநகர் பகுதிகளில் இன்று வானம் ஒரளவு மேகமூட்டத்துடன் காணப்படும். நகரின் சில பகுதிகளில் லேசான மழை பெய்ய வாய்ப்புள்ளது. அதிகபட்ச வெப்பநிலை 35 - 36 டிகிரி செல்சியஸை ஒட்டியும் குறைந்தபட்ச வெப்பநிலை 27 28 டிகிரி செல்சியஸை ஒட்டியும் இருக்கக்கூடும்.
அதேபோல் நாளை இன்று வானம் ஒரளவு மேகமூட்டத்துடன் காணப்படும். நகரின் சில பகுதிகளில் லேசான மழை பெய்ய வாய்ப்புள்ளது. அதிகபட்ச வெப்பநிலை 36 - 37 டிகிரி செல்சியஸை ஒட்டியும் குறைந்தபட்ச வெப்பநிலை 27 28 டிகிரி செல்சியஸை ஒட்டியும் இருக்கக்கூடும் என வானிலை மையம் கணித்துள்ளது.