தொடர்ந்து 5 நாட்கள் விடுமுறை! சந்தோஷத்தில் துள்ளிக்குதிக்கும் அரசு ஊழியர்கள்!

தமிழகத்தில் விடுமுறை என்றாலே கொண்டாட்டம் தான். அதுவும் தொடர் விடுமுறை வந்து விட்டால் சொல்லாவ வேண்டும். இந்நிலையில் அக்டோபர் 1-ம் தேதி புதன் கிழமை ஆயுத பூஜை, 2-ம் தேதி வியாழக்கிழமை விஜயதசமி அரசு விடுமுறை அறிவிக்கப்பட்டுள்ளது. தொடர்ந்து அக்டோபர் 3-ம் தேதி வேலை நாளாக உள்ளது. இதைத் தொடர்ந்து அக்டோபர் 4,5-ம் தேதிகள் சனி, ஞாயிறு என்பதால் விடுமுறை நாட்களாகும். எனவே, அக்டோபர் 3-ம் தேதி ஒரு நாள் மட்டும் அரசு விடுமுறை அறிவித்தால் 5 நாட்கள் தொடர் விடுமுறை கிடைக்கும்.

அதன்மூலம், தசரா பண்டிகையை அரசு ஊழியர்கள், ஆசிரியர்கள் சொந்த ஊரில் கொண்டாடி விட்டு திங்கள்கிழமை பணிக்கு வருவார்கள். எனவே, அக்டோபர் 3-ம் தேதியை விடுமுறை நாளாக அறிவிக்க வேண்டும் என முதல்வர் ஸ்டாலினுக்கு அரசு ஊழியர்கள் கோரிக்கை விடுத்திருந்தனர். இதனை அரசு பரிசீலனை செய்து வருவதாக தகவல்கள் வெளியாகின.

இந்நிலையில், அக்டோபர் 3ம் தேதி வெள்ளிக்கிழமையை விடுமுறை தினமாக தமிழக அரசு அறிவிப்பை வெளியிட்டுள்ளது. இதனால் அரசு ஊழியர்களுக்கு தொடர்ந்து 5 நாட்கள் விடுமுறை கிடைப்பதால் சந்தோஷத்தில் துள்ளிக்குதிக்கின்றனர். ஏற்கனவே பள்ளி மாணவர்களுக்கு காலாண்டு விடுமுறை அறிவிக்கப்பட்டுள்ளது குறிப்பிடத்தக்கது.