- Home
- Tamil Nadu News
- சென்னை டூ சபரிமலை அரசு சிறப்பு பேருந்துகள் இயக்கம்..! எந்தெந்த டைம் தெரியுமா? முழு விவரம்!
சென்னை டூ சபரிமலை அரசு சிறப்பு பேருந்துகள் இயக்கம்..! எந்தெந்த டைம் தெரியுமா? முழு விவரம்!
Chennai-Sabarimala Special Bus 2025: சபரிமலை சீசன் தொடங்கியதை தொடர்ந்து சென்னையில் இருந்து பம்பைக்கு அரசு சிறப்பு பேருந்துகள் இயக்கப்படுகின்றன. இந்த பேருந்துகள் புறப்படும் நேரம் குறித்து விரிவாக பார்க்கலாம்.
சபரிமலை கோயில் நடை திறப்பு
கேரள மாநிலத்தில் உள்ள புகழ்பெற்ற சபரிமலை ஐயப்பன் கோயில் நடை மண்டல விளக்கு, மகர விளக்கு பூஜைக்காக திறக்கப்பட்டுள்ளது. இதனால் சபமரிமலை நோக்கி ஐயப்ப பக்தர்கள் படையெடுக்கத் தொடங்கியுள்ளனர். தினமும் 90,000 பக்தர்கள் சபரிமலை கோயிலில் தரிசனத்துக்காக அனுமதிக்கப்பட உள்ளனர். ஐயப்பனை தரிசிக்க முதல் சில நாட்களுக்கான முன்பதிவு முடிந்துவிட்டது.
சிறப்பு ரயில்கள் இயக்கம்
ஆன்லைன் முன்பதிவு மட்டுமின்றி நிலக்கல் மற்றும் பம்பையில் உடனடி முன்பதிவு வசதியும் உள்ளது. சபரிமலை பக்தர்கள் வசதிக்காக தெற்கு ரயில்வே சார்பில் சென்னையில் இருந்து கேரளாவுக்கு சிறப்பு ரயில்கள் அறிவிக்கப்பட்டுள்ளன. ஒவ்வொரு ஆண்டும் சபரிமலை சீசனின்போது சென்னையில் இருந்து பம்பைக்கு தமிழக அரசு போக்குவரத்துக் கழகத்தின் சார்பில் சிறப்பு பேருந்துகள் இயக்கப்படும்.
சென்னையில் இருந்து சபரிமலை சிறப்பு பேருந்துகள்
இந்த ஆண்டு சிறப்பு பேருந்துகள் எப்போது இயக்கப்படும்? என பக்தர்கள் காத்துக் கொண்டிருந்த நிலையில், சென்னையில் இருந்து பம்பைக்கு சிறப்பு பேருந்துகள் அறிவிக்கப்பட்டுள்ளன. இது தொடர்பாக அரசு விரைவுப் போக்குவரத்துக் கழகம் வெளியிட்ட அறிவிப்பில், ''கேரள மாநிலத்தில் மிகவும் பிரசித்திபெற்ற சபரிமலையில் உள்ள அய்யப்பன் ஆலயத்திற்கு, அரசு விரைவுப் போக்குவரத்துக் கழகத்தின் சார்பில் ஆண்டுதோறும் சிறப்புப் பேருந்துகள் இயக்கப்பட்டு வருகின்றன.
கோயம்பேடு, கிளாம்பக்கத்தில் இருந்து புறப்படும் நேரம் என்ன?
இந்த ஆண்டிற்கான சபரிமலை சிறப்பு பேருந்துகள் அய்யப்ப பக்தர்கள் பயன்பெறும் வகையில் சென்னை கோயம்பேடு பேருந்து நிலையத்தியலிருந்து மதியம் 14.00 & 14.30 மணியளவிலும் மற்றும் டாக்டர் கலைஞர் பேருந்து முனையத்திலிருந்து மதியம் 14.30 & 15.00 மணியளவிலும் திண்டிவனம், விழுப்புரம், திருச்சி, திண்டுக்கல் மற்றும் குமுளி வழியாக சபரிமலைக்கு தற்போது இயக்கப்படுகிறது. மேலும், பயணிகளின் தேவைக்கு ஏற்ப பேருந்துகள் கூடுதலாக இயக்கப்படும்.
முன்பதிவு செய்வது எப்படி?
இந்த சிறப்பு பேருந்துகள் பம்பை வரை இயக்கப்படும். மேலும், 90 நாட்களுக்கு முன்னதாக இச்சிறப்புப் பேருந்துகளுக்கு ஆன்லைன் மூலமாக, http://tnstc.in என்ற இணையதளத்திலும் மற்றும் TNSTC அதிகாரபூர்வ மொபைல் செயலி மூலமாகவும் முன்பதிவு செய்துகொள்ளும் வசதியும் ஏற்படுத்தப்பட்டுள்ளது. மேலும், பேருந்துகளின் விவரம் உள்ளிட்ட பல்வேறு தகவல்களுக்கு 9445014424 மற்றும் 9445014463 ஆகிய கைப்பேசி எண்களைத் தொடர்பு கொண்டு அறிந்து கொள்ளலாம்'' என்று கூறப்பட்டுள்ளது.
