சஞ்சுவுக்கு கடைசி வாய்ப்பு: பெஞ்ச்ல் அமர வைக்கப்படும் பும்ரா, கிஷன்; அணியில் 3 அதிரடி மாற்றங்கள்

டி20 உலகக் கோப்பையில் பாகிஸ்தானை வீழ்த்தி சூப்பர்-8 தகுதியை உறுதி செய்த இந்தியா, தனது கடைசி குரூப் போட்டியில் நாளை நெதர்லாந்தை எதிர்கொள்கிறது. ஆட்டம் அகமதாபாத்தில் உள்ள நரேந்திர மோடி ஸ்டேடியத்தில் நடைபெறுகிறது.

சூப்பர்-8 போட்டிகளுக்கு முன்பாக மாற்று வீரர்களின் திறனை சோதிக்கவும், முக்கிய வீரர்களுக்கு ஓய்வளிக்கவும் அணி நிர்வாகம் முடிவு செய்துள்ளது. உலகக் கோப்பையில் இதுவரை வாய்ப்பு கிடைக்காத வீரர்களை நெதர்லாந்துக்கு எதிராக இந்தியா களமிறக்கும் என எதிர்பார்க்கப்படுகிறது.

அகமதாபாத்தில் உள்ள நரேந்திர மோடி ஸ்டேடியத்தில் நடைபெறும் போட்டியில் இந்திய அணியில் மூன்று முக்கிய மாற்றங்கள் எதிர்பார்க்கப்படுகின்றன. பந்துவீச்சு வரிசையில் அதிக மாற்றங்கள் இருக்கும் என மதிப்பிடப்பட்டுள்ளது.

முக்கியமான சூப்பர்-8 போட்டிகளுக்கு முன்பாக வேகப்பந்து வீச்சாளர் ஜஸ்பிரித் பும்ராவுக்கு ஓய்வளிக்கப்படலாம். பும்ராவுக்கு பதிலாக, பாகிஸ்தானுக்கு எதிராக வெளியே அமர்ந்திருந்த அர்ஷ்தீப் சிங் மீண்டும் அணிக்கு திரும்புவார் என எதிர்பார்க்கப்படுகிறது.

பாகிஸ்தானுக்கு எதிரான போட்டியில் விளையாடிய குல்தீப் யாதவும் தனது இடத்தை இழப்பார் என எதிர்பார்க்கப்படுகிறது. பேட்டிங் திறனையும் சோதிக்கும் நோக்கில், வாஷிங்டன் சுந்தருக்கு நெதர்லாந்துக்கு எதிராக இந்தியா வாய்ப்பளிக்கும்.

பாகிஸ்தானுக்கு எதிராக ஒரே ஒரு சிறப்பு வேகப்பந்து வீச்சாளரை மட்டுமே இந்தியா களமிறக்கியது. பும்ராவுக்கு ஓய்வளிக்கப்படும் நிலையில், நெதர்லாந்துக்கு எதிராக அர்ஷ்தீப் உடன் முகமது சிராஜுக்கும் வாய்ப்பு வழங்கப்படும் என எதிர்பார்க்கப்படுகிறது.

முக்கியமான சூப்பர் 8 போட்டிகளுக்கு முன், விக்கெட் கீப்பர் இஷான் கிஷனுக்கு ஓய்வளிக்கப்பட்டால், அபிஷேக் சர்மாவுடன் சஞ்சு சாம்சன் மீண்டும் தொடக்க வீரராக களமிறங்குவார். இது சஞ்சுவுக்கு கிடைக்கும் கடைசி வாய்ப்பாக இருக்கலாம்.

முகமது சிராஜை சேர்க்க முடிவு செய்தால், பேட்டிங் வரிசையில் ரிங்கு சிங் வெளியேற்றப்படுவார். முதல் மூன்று ஆட்டங்களிலும் ரிங்கு பெரிய ஸ்கோர் எடுக்கவில்லை. பாகிஸ்தானுக்கு எதிராக கடைசி ஓவரில் அவர் சிறப்பாக விளையாடினார்.

குரூப் சுற்றில் அமெரிக்கா, நமீபியா மற்றும் பாகிஸ்தானை வீழ்த்தி இந்தியா ஹாட்ரிக் வெற்றியுடன் முன்னேறி வருகிறது. நெதர்லாந்துக்கு எதிரான போட்டியில் வென்று தோல்வியடையாத பயணத்தை தொடர சூர்யகுமார் யாதவ் மற்றும் அணி முயற்சிக்கும்.

இந்தியாவின் உத்தேச அணி

அபிஷேக் சர்மா, சஞ்சு சாம்சன், திலக் வர்மா, சூர்யகுமார் யாதவ் (கேப்டன்), ஹர்திக் பாண்டியா, சிவம் துபே, அக்சர் படேல், வாஷிங்டன் சுந்தர், அர்ஷ்தீப் சிங், முகமது சிராஜ், வருண் சக்கரவர்த்தி.