Spiritual: பணப்பிரச்சினைக்கு குட்பை.! மல்லிகை முதல் தாமரை வரை.! பணவரவை தூண்டும் 5 பூக்கள்!

வெள்ளிக்கிழமை மகாலட்சுமிக்கு உரிய நாள் என்று ஆன்மிகத்தில் நம்பப்படுகிறது. அந்த நாளில் மகாலட்சுமிக்கு விருப்பமான மலர்களை அன்புடன் சாற்றி வழிபட்டால், வீட்டில் செல்வ வளம் பெருகும், பொருளாதார தடைகள் விலகும் என்று சாஸ்திரங்கள் கூறுகின்றன. குறிப்பாக, கீழே கூறப்படும் ஐந்து மலர்கள் மகாலட்சுமிக்கு மிகவும் பிரியமானவை என பக்தர்கள் நம்புகிறார்கள்.

சிவப்பு நிற செம்பருத்தி மலர் சக்தி, பலம், மங்களம் ஆகியவற்றின் அடையாளமாக பார்க்கப்படுகிறது. லட்சுமி பூஜையின் போது செம்பருத்தி மலரை சாற்றி வழிபட்டால் செல்வ வளம், அழகு, குடும்ப வளர்ச்சி மற்றும் முயற்சிகளில் வெற்றி கிடைக்கும் என ஆன்மிகம் கூறுகிறது.

மங்களகரமான நிறமும் மென்மையான மணமும் கொண்ட சாமந்திப் பூ மகாலட்சுமிக்கு விருப்பமானதாக கருதப்படுகிறது. இந்த மலரை வழிபாட்டில் பயன்படுத்தினால் அதிர்ஷ்டம் அதிகரிக்கும், வீட்டில் நேர்மறை சக்தி பெருகும். தீய சக்திகள் விலகி நன்மைகள் அதிகமாகும் என்ற நம்பிக்கையும் உள்ளது.

மகாலட்சுமியின் திருவுருவம் தாமரை மலருடன் தொடர்புடையது என்பது அனைவரும் அறிந்ததே. ஒரே ஒரு தாமரை மலரை மனமார சாற்றி வழிபட்டால்கூட, பக்தியின் பலனை மகாலட்சுமி அருள்வார் என்று சொல்லப்படுகிறது. வெள்ளிக்கிழமைகளில் தாமரை மலர் சாற்றுவதால் செல்வம், மன அமைதி, திருமண வாழ்வில் மகிழ்ச்சி ஆகியவை கிடைக்கும்.

ரோஜா மலர் அன்பு, ஈர்ப்பு, மன நிறைவு ஆகியவற்றை குறிக்கிறது. மகாலட்சுமிக்கு ரோஜா மலரை சாற்றி வழிபட்டால் மனதில் அமைதி ஏற்படும், பணவரவு சீராகும், வாழ்க்கையில் இனிமையான மாற்றங்கள் நிகழும் என்று நம்பப்படுகிறது.

இந்த ஐந்து மலர்களை வெள்ளிக்கிழமைகளில் மகாலட்சுமிக்கு சாற்றி, தூய மனதுடன் வழிபட்டால் செல்வம் மட்டும் அல்ல, குடும்ப அமைதி, மன நிம்மதி, வாழ்க்கை வளம் அனைத்தும் சேர்ந்து கிடைக்கும் என்பது பக்தர்களின் அனுபவ நம்பிக்கை. மலர்களைவிட முக்கியமானது உங்கள் பக்தியும் நம்பிக்கையும் என்பதை நினைவில் கொள்ளுங்கள்.