கிரகணம் நாள்.. கர்ப்பிணிகள், பெண்கள் கண்டிப்பாக தெரிந்து கொள்ள வேண்டியது.. இதை செய்யாதீங்க!

2026 ஆம் ஆண்டின் முதல் சூரிய கிரகணம் இன்று (பிப்ரவரி 17) நிகழ உள்ளது. இது இந்தியாவில் தென்படாது என்றாலும், கிரகணம் தொடர்பான சில ஆன்மீக நம்பிக்கைகள் காரணமாக பலர் சில விதிமுறைகளை பின்பற்றுகின்றனர். குறிப்பாக கர்ப்பிணி பெண்கள் அதிக கவனம் செலுத்த வேண்டும் என பாரம்பரிய நம்பிக்கைகள் கூறுகின்றன.

கிரகணம் நேரத்தில் உணவு உண்ண வேண்டாம் என சிலர் நம்புகின்றனர். இது தாயுக்கும், கருவில் வளரும் குழந்தைக்கும் பாதிப்பு ஏற்படும் என கூறப்படுகிறது. எனவே அந்த நேரத்தில் சாப்பிடாமல் இருப்பது நல்லது என பலர் கருதுகின்றனர்.

மேலும் கூர்மையான பொருட்களை பயன்படுத்த வேண்டாம் என அறிவுறுத்தப்படுகிறது. காய்கறி நறுக்குதல், ஊசி வேலை போன்ற செயல்களை தவிர்க்க வேண்டும். இது குழந்தையின் நலனுக்காகவே என்ற இந்த நம்பிக்கை இன்றளவும் நிலவுகிறது.

கிரகணத்தை நேரடியாக பார்க்க கூடாது. அந்த நேரத்தில் சூரிய ஒளி தீவிரமாக இருப்பதால் கண்களுக்கு சேதம் ஏற்படும் அபாயம் உள்ளது. வெளியே செல்லாமல் வீட்டுக்குள் இருக்கவும், கதவுகள், ஜன்னல்கள் அமைதியாகவும் இருக்க பரிந்துரைக்கப்படுகிறது.

இதேபோல் துளசி செடியைத் தொடுதல், இலைகள் பறித்தல், முடி அல்லது நகம் வெட்டுதல் போன்றவற்றையும் தவிர்க்க வேண்டும் எனக் கூறப்படுகிறது. இவை அனைத்தும் பாரம்பரிய நம்பிக்கைகளின் அடிப்படையில் கூறப்படும் முன்னெச்சரிக்கைகளாகும்.