War 2 Review : கூலியை காலி பண்ணியதா வார் 2? படம் எப்படி இருக்கு..!! விமர்சனம் இதோ

ஜூனியர் என்.டி.ஆர் மற்றும் ஹிருத்திக் ரோஷன் நடித்த வார் 2 திரைப்படம் மிகுந்த எதிர்பார்ப்புக்கு மத்தியில் திரைக்கு வந்துள்ளது. இன்று உலகம் முழுவதும் இந்த படம் வெளியாகி உள்ளது. YRF ஸ்பை யுனிவர்ஸ் படமாக உருவாகியுள்ள இதில் ஜூனியர் என்.டி.ஆர் மற்றும் ஹிருத்திக் முதல் முறையாக இணைந்து நடித்துள்ளனர். வார் பட வரிசையில் ரசிகர்கள் மத்தியில் நல்ல வரவேற்பு உள்ளது. இதனால் வார் 2 எப்படி இருக்கும் என்ற எதிர்பார்ப்பு நிலவுகிறது. அயன் முகர்ஜி இந்த படத்தை இயக்கியுள்ளார். கியாரா அத்வானி கதாநாயகியாக நடித்துள்ளார். ஸ்பை ஆக்‌ஷன் படமாக உருவாகியுள்ள இந்த படம் ரசிகர்களை கவர்ந்ததா? த்ரில் அனுபவம் அளித்ததா? என்பதை ட்விட்டர் விமர்சனத்தில் தெரிந்து கொள்வோம்.

ஜப்பானில் நடக்கும் ஹிருத்திக் ரோஷனின் ஆக்‌ஷன் காட்சியுடன் கதை தொடங்குகிறது. அதன் பிறகு இயக்குனர் நீண்ட நேரம் டிராமாவை நகர்த்தியுள்ளார். படம் தொடங்கி சுமார் 40 நிமிடங்களுக்குப் பிறகு ஜூனியர் என்.டி.ஆர் வருகிறார். ரசிகர்களுக்கு மாஸ் விருந்தளிக்கும் வகையில் என்.டி.ஆர் எண்ட்ரி காட்சி அமைந்துள்ளது. எதிர்பார்த்தபடி, இந்த படத்தில் ஆக்‌ஷன் காட்சிகளுக்கு ரசிகர்களிடமிருந்து நல்ல வரவேற்பு கிடைத்துள்ளது.

என்.டி.ஆர், ஹிருத்திக் இருவரும் போட்டி போட்டு நடித்த காட்சிகளே இந்த படத்தின் சிறப்பம்சம். சில காட்சிகள் மிகுந்த பரபரப்பை ஏற்படுத்துகின்றன. பின்னணி இசையும் கவர்ந்திழுக்கிறது. முதல் பாதியில் ஹிருத்திக்கின் ஜப்பான் ஆக்‌ஷன் காட்சியையும், என்.டி.ஆரின் எண்ட்ரி சீனையும் இயக்குனர் சிறப்பாகக் கையாண்டுள்ளார். இருப்பினும், முதல் பாதியில் சில குறைகளும் உள்ளன. இது ஒரு ஸ்பை ஆக்‌ஷன் த்ரில்லர் படம் என்றாலும், முதல் பாதியில் வழக்கமான காட்சிகள் நிறையவே உள்ளன.

கதையிலும் புதுமை இல்லை. சில ஆக்‌ஷன் காட்சிகள், கிராபிக்ஸ் அதிகமாகத் தெரிகின்றன. ஆனால் என்.டி.ஆர், ஹிருத்திக் இருவரும் அசத்தலான நடிப்பை வழங்கியுள்ளனர். இடைவேளை காட்சியும் சிறப்பாக அமைந்துள்ளது. முதல் பாதியில் வரும் 'சலாம் அனாலி' பாடல் மிக அழகாக படமாக்கப்பட்டுள்ளது. சில ரசிகர்கள் வார் 2 முதல் பாதி சராசரியாக உள்ளது என்று கூறுகின்றனர். ஒளிப்பதிவு பெரும்பாலும் சிறப்பாக உள்ளது. ஆனால், கிராபிக்ஸ் 400 கோடி பட்ஜெட் படத்திற்கு இருக்க வேண்டிய அளவில் இல்லை என்று ரசிகர்கள் கூறுகின்றனர். கதையில் உணர்ச்சிபூர்வமான ஆழம் இல்லாததால், ஆக்‌ஷன் காட்சிகளுக்காக மட்டுமே இந்த படம் என்று தோன்றுகிறது.

இடைவேளை காட்சியை ஒரு திருப்பத்துடன் முடித்த இயக்குனர், இரண்டாம் பாதியில் வேகத்தை அதிகரிப்பார் என்று எதிர்பார்த்தால், அப்படிச் செய்யவில்லை. இரண்டாம் பாதியிலும் ரசிகர்களுக்குப் பிடித்த காட்சிகள் குறைவாகவே உள்ளன. ஆக்‌ஷன் காட்சிகளுக்காக என்.டி.ஆர், ஹிருத்திக் பட்ட கஷ்டம் புரிகிறது. எமோஷனல் காட்சிகள் கனெக்ட் ஆகவில்லை. பல இடங்களில் இயக்குனர் அயன் முகர்ஜி சோபிக்க தவறி உள்ளார். இதனால் வார் 2 அடுத்த கட்ட படமாக இல்லாமல், சராசரி படமாகவே அமைந்துள்ளது.