Curd in Winter : குளிர்காலத்துல தயிர் சாப்பிட்டால் சளி பிடிக்குமா? உண்மை என்ன தெரியுமா?

தயிர் ஆரோக்கியத்திற்கு மிகவும் நல்லது. இதில் உள்ள சத்துக்கள் நமது ஆரோக்கியத்திற்கு பல நன்மைகளைத் தருகின்றன. ஆனால், குளிர்காலத்தில் தயிர் சாப்பிட்டால் சளி பிடிக்கும் என்று பலர் நினைக்கிறார்கள். இதில் எவ்வளவு உண்மை இருக்கிறது? நிபுணர்கள் என்ன சொல்கிறார்கள் என்று பார்ப்போம்.

குளிர்காலத்தில் வானிலை குளிராக இருக்கும். தயிரும் குளிர்ச்சியான தன்மையைக் கொண்டது. எனவே, நீங்கள் குளிர்ச்சியான அல்லது ஃபிரிட்ஜில் வைத்த தயிரை சாப்பிட்டால், உடல் வெப்பநிலை குறைந்து தொண்டை வலி அல்லது சளி வர வாய்ப்புள்ளது. அதனால், அந்தத் தவறை செய்யக்கூடாது.

நோய் எதிர்ப்பு சக்தி அதிகரிக்கும்:

தயிரில் உள்ள புரோபயாடிக்குகள் செரிமான அமைப்பை வலுப்படுத்துகின்றன. இது உடலின் நோய் எதிர்ப்பு மண்டலத்தை மேம்படுத்தி, குளிர்காலத்தில் வரும் சளி, இருமல் போன்ற பிரச்சனைகளிலிருந்து பாதுகாக்கிறது.

செரிமானம் மேம்படும்:

குளிர்காலத்தில் கனமான உணவுகளை அதிகம் சாப்பிடுவதால் செரிமானம் மந்தமாகிறது. தயிர் சாப்பிடுவதால் உணவு எளிதில் ஜீரணமாகி, அஜீரணம், வயிறு உப்புசம் போன்ற பிரச்சனைகள் குறையும்.

சருமம் மற்றும் முடிக்கு நல்லது:

குளிர்காலத்தில் சருமம் வறண்டு போகும். தயிரில் உள்ள லாக்டிக் அமிலம் சருமத்தை மென்மையாக வைக்கிறது. நீங்கள் தயிரை ஃபேஸ் பேக்காகவும் பயன்படுத்தலாம்.

எலும்புகள் மற்றும் பற்கள் வலுவாக இருக்க உதவும்:

தயிரில் உள்ள கால்சியம், வைட்டமின் டி எலும்புகள் மற்றும் பற்களை வலுப்படுத்துகின்றன.

• ஃபிரிட்ஜில் இருந்து நேரடியாக எடுத்து தயிரை சாப்பிட வேண்டாம். அது தொண்டை வலி, இருமல், சளி ஆகியவற்றை ஏற்படுத்தலாம். அறை வெப்பநிலையில் உள்ள தயிரை சாப்பிடுவது நல்லது.
• இரவில் தயிர் சாப்பிட்டால் உடல் வெப்பநிலை குறைந்து, கபம் அதிகரிக்கக்கூடும். எனவே காலை அல்லது மதிய உணவின் போது சாப்பிடுவது சிறந்தது.
• ஏற்கனவே சளி, இருமல் அல்லது சைனசிடிஸ் உள்ளவர்கள் தயிர் சாப்பிடுவதை தற்காலிகமாக நிறுத்துவது நல்லது.