Pandian Stores 2: முடிவுக்கு வந்த சிறை வாசம்.! பண்டியன் குடும்பத்தின் உணர்ச்சிகரமான ரீ-என்ட்ரி! தங்கமயிலுக்கு விழுந்த பலத்த அடி!

வழக்கில் ஜாமின் கிடைத்த பிறகு, பாண்டியனும் அவரது மகன்களும் போலீஸ் ஸ்டேஷனில் இருந்து வெளியே வருகிறார்கள். அப்போது அங்கே காத்திருக்கும் கோமதியின் அண்ணன் (பழனிச்சாமி), பாண்டியனிடம் மிகவும் கனிவாகப் பேசுகிறார். "எதற்கும் கவலைப்படாதீர்கள், நான் உங்களுக்குத் துணையாக இருக்கிறேன்" என்று அவர் பாண்டியனுக்கும் கோமதிக்கும் ஆதரவாகப் பேசுகிறார்.

இதைக் கேட்டு நெகிழ்ந்து போன பாண்டியன், தனது மைத்துனரின் கைகளைப் பிடித்துக் கொண்டு கண்ணீர் வடிக்கிறார். அண்ணனின் பாசத்தைக் கண்டு உருகிய கோமதி, "எப்போதும் வெட்டுவேன் குத்துவேன் என்று பேசினாலும், ஒரு பிரச்சினை என்று வந்துவிட்டால் எங்களுக்காக வந்து நிற்கிறாயே அண்ணா" என்று கூறி, அண்ணன் மீது சாய்ந்து கதறி அழுகிறார். இந்தச் சம்பவம் அந்த இடத்தில் ஒரு நெகிழ்ச்சியான சூழலை உருவாக்கியது.

அண்ணனின் ஆறுதலுக்குப் பிறகு அனைவரும் வீட்டிற்குப் புறப்படுகிறார்கள். அவர்கள் வீட்டு வாசலுக்கு வந்ததும், கோமதி தன் கணவன் மற்றும் பிள்ளைகளுக்கு நேர்ந்த அவமானங்கள் நீங்க வேண்டும் என்பதற்காக ஆரத்தி எடுத்து அவர்களை வீட்டிற்குள் வரவேற்கிறார். ஒரு பெரிய இக்கட்டான சூழலில் இருந்து குடும்பத்தினர் மீண்டு வந்த நிம்மதி எல்லோரிடமும் தெரிகிறது.

வீட்டிற்குள் சென்று அனைவரும் சாப்பிட அமர்கிறார்கள். அப்போது பாண்டியன் மீண்டும் பழைய நினைவுகளில் மூழ்கி மிகவும் வேதனைப்படுகிறார். "என் வாழ்நாளில் தவறு செய்யாதவன் நான். ஆனால் இப்போது அடிக்கடி கோர்ட், ஸ்டேஷன் என்று அலைந்து கொண்டே இருக்க வேண்டுமே" என்று கூறி கண்ணீர் மல்குகிறார்.

கணவரின் அழுகையைப் பார்க்க முடியாமல் கோமதியும் அழுதுகொண்டே அவருக்கு ஆறுதல் கூறுகிறார். "நாம் எல்லோரும் நம் மனசாட்சிப்படி தான் நடந்து கொள்கிறோம். யாருக்கும் எந்தத் தீங்கும் நினைக்கவில்லை. அதனால் கடவுள் நம்மைக் கைவிடமாட்டார்" என்று கூறி பாண்டியனைத் தேற்றுகிறார்.

உணவருந்தும் போது பாண்டியன் தனது மூத்த மகன் சரவணனைப் பார்த்து மிகவும் வருந்துகிறார். "உன் வாழ்க்கையைச் சிறப்பாக்கப் போய் தான் இன்று இவ்வளவு பெரிய அவமானம். என்னை மன்னித்துவிடு சரவணா" என்று ஒரு தந்தையாகத் தாழ்ந்து போய் மன்னிப்பு கேட்கிறார்.

பாண்டியன் மன்னிப்பு கேட்டதும் சரவணன் ஆவேசமடைகிறார். இந்தச் சிக்கல்கள் அனைத்துக்கும் காரணமான தங்கமயிலின் தாய் மயில் மீது அவருக்கு அளவு கடந்த கோபம் வருகிறது. "இனி என்ன ஆனாலும் சரி, அந்த மயில் இந்த வீட்டிற்குள் நுழையவே கூடாது. அவர் முகம் கூட என் கண்ணில் படக்கூடாது" என்று சரவணன் மிகவும் தீர்மானமாகக் கூறுகிறார். சரவணன், தனது தந்தையையே போலீஸ் ஸ்டேஷன் வரை இழுத்தவர் மீது தனக்கு எந்த இரக்கமும் இல்லை என்பதில் சரவணன் உறுதியாக இருக்கிறார்.

எல்லாவற்றையும் நான் பார்த்துக்கொள்கிறேன் என பண்டியன் குடும்பத்தினரிடம் கூறிவிட்டு அமைதியாக யோசனையுன் அமர்ந்திருப்பதுடன் முடிகிறது சீரியல்.!