8 வயதில் யுவன் போட்ட ட்யூன்; நைஸாக காப்பியடித்து இளையராஜா போட்ட ஹிட் பாட்டு

Ilaiyaraaja Copied Yuvan Shankar Raja Tune : இசைஞானி இளையராஜாவுக்கு அடுத்தபடியாக அவரது குடும்பத்தில் இருந்து வந்து முத்திரை பதித்தவர் என்றால் அது யுவன் சங்கர் ராஜா தான். தந்தையின் தயவு இல்லாமல் தன்னுடைய திறமையால் அடுத்தடுத்த உயரங்களை தொட்டவர் யுவன் சங்கர் ராஜா. 19 வயதிலேயே இசையமைப்பாளராக அறிமுகமான யுவன், தற்போது 25 ஆண்டுகளைக் கடந்தும் தன்னுடைய இசையால் ரசிகர்களை கவர்ந்து வருகிறார். இந்நிலையில், அவரைப் பற்றிய ஒரு சுவாரஸ்ய சம்பவம் வெளியாகி இருக்கிறது.

இசை ராஜ்ஜியம் நடத்திய இளையராஜா

1976 ஆம் ஆண்டு வெளியான அன்னக்கிளி படம் மூலம் இசையமைப்பாளராக அறிமுகமான இளையராஜா. அதன்பின் தன்னுடைய இசையால் ஒரு இசை ராஜாங்கமே நடத்தினார். சுமார் 1000க்கும் மேற்பட்ட படங்களுக்கு இசையமைத்துள்ள இளையராஜாவுக்கு தொட்டதெல்லாம் ஹிட்டாக அமைந்தன. அதன் காரணமாகவே அந்த காலகட்டத்தில் இளையராஜா படம் என்றாலே அதை விநியோகஸ்தர்கள் கண்ணைமூடிக் கொண்டு வாங்கிவிடுவார்கள். அந்த அளவுக்கு அவரின் பெர்யருக்கு மதிப்பு இருந்தது.

8 வயதில் யுவன் போட்ட ட்யூன்

இளையராஜாவுக்கு பின் அவர் மகன் கார்த்திக் ராஜா இசையமைப்பாளராக அறிமுகமானாலும் அவரால் தந்தை அளவுக்கு ஜொலிக்க முடியவில்லை. பின்னர் ராஜாவின் கடைக்குட்டியான யுவன் சங்கர் ராஜா 1997ல் வெளியான அரவிந்தன் படம் மூலம் சினிமாவில் இசையமைப்பாளராக அறிமுகமாகி, குறுகிய காலத்தில் பல வெற்றிப்பாடல்களை கொடுத்து தந்தைக்கு நிகரான பெயரையும் புகழையும் பெற்றார். சிறுவயதில் இருந்தே இசையின் மீது ஆர்வம் கொண்டிருந்த யுவன் 8 வயதில் போட்ட ட்யூன் ஒன்று இளையராஜாவை வெகுவாக கவர்ந்திருக்கிறது.

காப்பியடித்த இளையராஜா

அதனால் அந்த ட்யூனை தன்னுடைய படத்திற்காக இளையராஜா யூஸ் பண்ணியிருக்கிறார் என்றால் உங்களால் நம்ப முடிகிறா? ஆனால் அது தான் நிஜம். அவர் கடந்த 1987-ம் ஆண்டு பிரபு நடிப்பில் வெளியான ஆனந்த் படத்தில் தான் அந்த ட்யூனை பயன்படுத்தி இருந்தார். அந்தப் படத்தில் எஸ்.பி.பாலசுப்ரமணியம் பாடிய ‘பூவுக்கு பூவாலே’ என்ற பாடலுக்கு யுவன் போட்ட ட்யூனை தான் பயன்படுத்தி இருக்கிறார் இளையராஜா. அதை அவரே ஒரு மேடையிலும் கூறியிருந்தார் என்பது குறிப்பிடத்தக்கது.