- Home
- Business
- Gautam Adani Net Worth: அம்பானியை முந்தி நம்பர் 1 பணக்காரரானார் கௌதம் அதானி.. சொத்து மதிப்பு எவ்வளவு?
Gautam Adani Net Worth: அம்பானியை முந்தி நம்பர் 1 பணக்காரரானார் கௌதம் அதானி.. சொத்து மதிப்பு எவ்வளவு?
Gautam Adani Net Worth: அதானி குழுமத்தின் தலைவர் கௌதம் அதானி, முகேஷ் அம்பானியைப் பின்னுக்குத் தள்ளி மீண்டும் ஆசியாவின் மிகப்பெரிய பணக்காரர் என்ற இடத்தைப் பிடித்துள்ளார். இது தொடர்பான முழு விவரங்களை இந்த செய்தியில் பார்க்கலாம்.
15
Image Credit : freepik
ஆசியாவின் மிகப்பெரிய பணக்காரர் கௌதம் அதானி
அதானி குழுமத்தின் தலைவர் கௌதம் அதானி, மீண்டும் ஆசியாவின் மிகப்பெரிய பணக்காரர் என்ற மைல்கல்லை எட்டியுள்ளார். ஏப்ரல் 17, 2026 தேதியிட்ட ப்ளூம்பெர்க் பில்லியனர்ஸ் இன்டெக்ஸ் (Bloomberg Billionaires Index) அறிக்கையின்படி, அவரின் சொத்து மதிப்பு 92.6 பில்லியன் டாலராக உயர்ந்துள்ளது. இதன் மூலம், உலகப் பணக்காரர்கள் பட்டியலில் அவர் 19வது இடத்தைப் பிடித்துள்ளார். ரிலையன்ஸ் இண்டஸ்ட்ரீஸ் தலைவர் முகேஷ் அம்பானி, 90.8 பில்லியன் டாலர் சொத்து மதிப்புடன் இந்தப் பட்டியலில் 20வது இடத்திற்குத் தள்ளப்பட்டுள்ளார்.
25
Image Credit : Getty
அதானி குழும நிறுவனங்களின் பங்குகள் வளர்ச்சி
2026ஆம் ஆண்டு முழுவதும் அதானி குழும நிறுவனங்களின் பங்குகள் தொடர்ச்சியாக நல்ல வளர்ச்சியைப் பதிவு செய்துள்ளன. இதன் காரணமாக, இந்த ஆண்டில் மட்டும் கௌதம் அதானியின் சொத்து மதிப்பு 8.1 பில்லியன் டாலர் அதிகரித்துள்ளது. இந்த அபார வளர்ச்சிதான் அவரை ஆசியாவின் நம்பர் 1 பணக்காரராக்கி உள்ளது.
35
Image Credit : ANI
ஒரே நாளில் சொத்து மதிப்பு அதிகரிப்பு
வியாழக்கிழமை வர்த்தகத்தில் அதானி குழுமப் பங்குகளின் மதிப்பு உயர்ந்தது, கௌதம் அதானியின் சொத்து மதிப்பில் நேரடியாகப் பிரதிபலித்தது. இந்த திடீர் ஏற்றத்தால், ஒரே நாளில் அவருடைய சொத்து மதிப்பு சுமார் 3.56 பில்லியன் டாலர் அதிகரித்தது. ஒருபக்கம் கௌதம் அதானியின் சொத்து மதிப்பு உயர்ந்த நிலையில், முகேஷ் அம்பானியின் சொத்து மதிப்பு இந்த ஆண்டில் சுமார் 16.9 பில்லியன் டாலர் குறைந்துள்ளது. ரிலையன்ஸ் இண்டஸ்ட்ரீஸ் பங்குகளின் ஏற்ற இறக்கமான செயல்பாடுகளே இதற்குக் காரணமாகக் கூறப்படுகிறது.
45
Image Credit : social media
ஏழு பேரின் சொத்து மதிப்பு குறைந்தது
2026ஆம் ஆண்டில் உலகின் பல முன்னணி கோடீஸ்வரர்களின் சொத்து மதிப்பில் ஏற்ற இறக்கங்கள் காணப்பட்டன. டாப் 20 பணக்காரர்களில் ஏழு பேரின் சொத்து மதிப்பு இந்த ஆண்டு குறைந்துள்ளது. இதில் பெர்னார்ட் அர்னால்ட் 44 பில்லியன் டாலர் இழப்புடன் மிகப்பெரிய சரிவைச் சந்தித்தார். இவரைத் தவிர, ஸ்டீவ் பால்மர், லாரி எலிசன், பில் கேட்ஸ், வாரன் பஃபெட், அமான்சியோ ஒர்டேகா மற்றும் முகேஷ் அம்பானி ஆகியோரின் சொத்து மதிப்பும் குறைந்துள்ளது.
55
Image Credit : stockPhoto
எலான் மஸ்க் உலகளவில் முதலிடம்
எலான் மஸ்க் 656 பில்லியன் டாலர் சொத்து மதிப்புடன் உலகப் பணக்காரர்கள் பட்டியலில் முதலிடத்தில் இருக்கிறார். லாரி பேஜ் 286 பில்லியன் டாலர் சொத்து மதிப்புடன் இரண்டாம் இடத்தில் உள்ளார். முதல் 10 இடங்களில் ஜெஃப் பெசோஸ், செர்ஜி பிரின், மார்க் ஜுக்கர்பெர்க், லாரி எலிசன், மைக்கேல் டெல், ஜென்சன் ஹுவாங், பெர்னார்ட் அர்னால்ட் மற்றும் ஜிம் வால்டன் ஆகியோரும் உள்ளனர்.
வணிகம் (Business Ideas in Tamil), வங்கிகள் (Banking News), நிதி, இந்திய பொருளாதாரம் , உலக சந்தை, பங்கு சந்தை, முதலீடு உள்ளிட்ட பல்வேறு தகவல்கள் மற்றும் சமீபத்திய நிதி செய்திகள் அனைத்தையும் ஏஷ்யாநெட் தமிழ் நியூஸில் படிக்கலாம்.
Latest Videos
