140 கிமீ ரேஞ்சுடன் கெத்து காட்டும் TVS X எலக்ட்ரிக் ஸ்கூட்டர்.. விலை, அம்சங்கள் இதோ

டிவிஎஸ் எக்ஸ் ஒரு சாதாரண எலக்ட்ரிக் ஸ்கூட்டர் இல்லை. இது ஒரு பெர்ஃபார்மன்ஸ் அடிப்படையிலான பிரிமியம் EV ஆகும். அடுத்த தலைமுறைக்கான தொழில்நுட்பங்களுடன் வந்திருக்கிறது. இதன் எக்ஸ்-ஷோரூம் விலை ரூ.2,63,880. டெய்லி யூஸ், டெக் லவேர்ஸ், ரைடிங் அனுபவம் விரும்புபவர்கள் எல்லோருக்கும் இது பொருத்தமான EV. சக்தி, ஸ்டைல், கம்ஃபோர்ட் ஆகியவற்றின் கலவையாக இருக்கிறது.

பெரும்பாலான EV-கள் நகரப் பயணங்களுக்கு ஏற்ற வகையில் இருக்கும். ஆனால் டிவிஎஸ் எக்ஸ்-ன் கவனம் முழுமையாக பெர்ஃபார்மன்ஸில். இதில் 4.4 kWh பேட்டரி, 7 kW மோட்டார் மற்றும் அதிகபட்சமாக 11 kW பவரை வழங்குகிறது. இந்த ஸ்கூட்டரின் டாப் ஸ்பீட் 105 km/h. 0–40 km/h வேகம் அடைய 2.6 வினாடிகள் மட்டுமே எடுத்துக்கொள்கிறது. ஒரே சார்ஜில் 140 கிமீ ரேஞ்ச் வருகிறது. அதனால் ஹைவே, வேலைக்கு தினசரி போகும் பயணம், நீண்ட வீக்கெண்ட் ரைட் என எதற்கும் இது சிரமப்படாது.

டிவிஎஸ் எக்ஸ்-ல் இரண்டு சார்ஜிங் ஆப்ஷன்கள் கிடைக்கின்றன. 950W போர்ட்டபிள் சார்ஜரில் பேட்டரி 80% வரை 3 மணி 40 நிமிடங்களில், ஃபாஸ்ட் சார்ஜரில் 0–100% க்கு 50 நிமிடங்களில் சார்ஜாகும். “Xleton™” என்ற புதிய லைட்வெயிட் பிளாட்ஃபார்மில் இது உருவாக்கப்பட்டுள்ளது. 10.2-இன்ச் TFT டிஸ்ப்ளே, சிம் ஆதரவு வழிசெலுத்தல், அழைப்புகள், புளூடூத், வைஃபை, கீலெஸ் ஸ்டார்ட், ஸ்மார்ட்வாட்ச் கனெக்ட் போன்ற வசதிகள் இதில் உள்ளன. Xtealth, Xtride, Xonic என 3 ரைடிங் மோடுகள் தரப்பட்டுள்ளன.

ஸ்கூட்டரின் டிசைன் மிக அசத்தலான, ஸ்போர்ட்டி செதுக்கப்பட்ட ஸ்டைல் உடன் வருகிறது. trellis-frame, LED ஹெட்லைட்ஸ், ABS உடன் டூயல் டிஸ்க் பிரேக்குகள் ஆகியவை பாதுகாப்பு மற்றும் ஸ்டைல் ​​இரண்டையும் தருகின்றன. 120 கிலோ எடையுடன் இருப்பதால் ஸ்டேபிலிட்டி நல்லது. முன் தொலைநோக்கி இடைநீக்கம், பின்புறம் மோனோஷாக் கொடுக்கப்பட்டுள்ளது. பேட்டரிக்காக 3 வருடம் அல்லது 50,000 கிமீ வாரண்டி வழங்கப்படுவது EV பயனர்களுக்கான பெரிய நிம்மதியை கொடுக்கிறது.