ராயல் என்ஃபீல்டு விற்பனை விவரம்: எந்த பைக் அதிகம் விற்றது தெரியுமா?

இந்திய டூவீலர் சந்தையில் எப்போதும் தனித்துவமான இடத்தைப் பிடிக்கும் ராயல் என்ஃபீல்டு, மார்ச் 2026 விற்பனை கணக்குகளிலும் தனது ஆட்சியைத் தொடர்ந்தது. இந்த மாதத்தில் மட்டும் கிளாசிக் 350 மாடல் 37,144 யூனிட்கள் விற்பனையாகி முதலிடத்தை பிடித்துள்ளது. கடந்த ஆண்டை ஒப்பிடும்போது 12%க்கும் மேல் வளர்ச்சி கண்டிருப்பது, இந்த மாடலின் நிலையான ரசிகர் பட்டாளத்தை வெளிப்படுத்துகிறது.

இரண்டாவது இடத்தில் புல்லட் 350 மாடல் 23,767 யூனிட்கள் விற்பனையுடன் உள்ளது. இது சுமார் 8% வளர்ச்சியைப் பதிவு செய்தது. மூன்றாவது இடத்தில் ஹண்டர் 350 மாடல் 20,881 யூனிட்கள் விற்பனையாகி 23% வளர்ச்சியுடன் இளம் பயனர்களின் கவனத்தை ஈர்த்துள்ளது. மேலும் மீட்டியோர் 350 மாடலும் 10,701 யூனிட்கள் விற்பனையுடன் 20% வளர்ச்சி எட்டியுள்ளது.

மத்திய தரவரிசையில் 650 ட்வின் மாடல்கள் 2,744 யூனிட்கள் விற்பனையாகி 17% சரிவை சந்தித்துள்ளன. ஆனால் ஹிமாலயன் மாடல் 2,284 யூனிட்கள் விற்பனையுடன் 40% வளர்ச்சியுடன் சிறப்பாக செயல்பட்டது. மேலும் கெரில்லா மாடல் 1,906 யூனிட்கள் விற்பனையாகி 129% என்ற அதிரடி வளர்ச்சியை பதிவு செய்து கவனம் ஈர்த்துள்ளது.

பட்டியலின் கீழ்பகுதியில் சூப்பர் மீட்டியோர் மாடல் 806 யூனிட்கள் விற்பனையாகி 24% சரிவை சந்தித்துள்ளது. மேலும் ஷாட்கன் மாடல் 173 யூனிட்கள் மட்டுமே விற்பனையாகி 22% குறைவை பதிவு செய்யப்பட்டுள்ளது. இதனால் சில மாடல்கள் எதிர்பார்த்த அளவுக்கு விற்பனையை அடையவில்லை என்பது தெரிகிறது.

மொத்தமாகப் பார்த்தால், மார்ச் 2026-ல் ராயல் என்ஃபீல்டு நிறுவனம் 1,00,406 பைக்குகளை விற்பனை செய்து, ஆண்டு அடிப்படையில் 14% வளர்ச்சியைப் பதிவு செய்துள்ளது. பல மாதல்கள் நல்ல முன்னேற்றம் கண்டதால், இந்த பிராண்ட் இந்திய சந்தையில் தனது வலுவான நிலையை தொடர்ந்து தக்க வைத்துள்ளது.