கோடையில் ஈக்களின் அட்டகாசம்

கோடைக்காலம் வந்து மாம்பழம், பலாப்பழம் சீசன் தொடங்கியதும், வீட்டில் ஈக்களின் தொல்லையும் அதிகமாகிவிடும். ரசாயனங்கள் இல்லாமல் ஈக்களை விரட்ட, இதோ சில எளிய வீட்டு வைத்தியங்கள்.

ஒரு எலுமிச்சையை பாதியாக வெட்டி, அதில் 5-6 கிராம்புகளைச் செருகி வைக்கவும். இதை வீட்டின் மூலைகளிலோ அல்லது பழங்கள் அருகிலோ வைத்தால், அந்த வாசனைக்கு ஈக்கள் பக்கத்தில் வராது.

வீட்டிற்குள் இரண்டு கற்பூரத் துண்டுகளை ஏற்றி, அதன் புகையை வீடு முழுவதும் காட்டுங்கள். கற்பூரத்தின் வாசனைக்கு ஈக்கள் உடனடியாக வீட்டை விட்டு வெளியேறிவிடும்.

வீட்டின் தரை அல்லது மேசைகளைத் துடைக்கும்போது, தண்ணீரில் சிறிது கல் உப்பைக் கலந்து துடையுங்கள். உப்புத் தண்ணீரால் துடைத்த இடத்தில் ஈக்கள் உட்காராது.

ஜன்னல்களுக்கு அருகிலோ அல்லது டைனிங் டேபிள் மீதோ துளசி அல்லது புதினா செடிகளை வையுங்கள். இந்தச் செடிகளின் வாசனை ஈக்களை விரட்ட உதவும்.

பழங்களை வெட்டி திறந்து வைக்காதீர்கள். எப்போதும் பழங்களை ஒரு வலை மூடி கொண்டு மூடவும் அல்லது ஃபிரிட்ஜில் வைக்கவும். பழத்தோல்களை உடனடியாக வீட்டிலிருந்து அப்புறப்படுத்துங்கள்.

குப்பைத் தொட்டியை எப்போதும் மூடி போட்டு வையுங்கள். குறிப்பாக, ஈரமான குப்பைகளை அதிக நேரம் வீட்டிற்குள் வைத்திருக்க வேண்டாம். இது ஈக்கள் இனப்பெருக்கம் செய்வதைத் தடுக்கும்.

ஒரு கிண்ணத்தில் ஆப்பிள் சைடர் வினிகர் மற்றும் இரண்டு சொட்டு பாத்திரம் கழுவும் லிக்விட் சோப் கலந்து வைக்கவும். ஈக்கள் வினிகர் வாசனைக்கு ஈர்க்கப்பட்டு கிண்ணத்தில் சிக்கிக்கொள்ளும்.