கருமை நீங்கி முகம் பொலிவுற அரிசி மாவு ஃபேஸ் பேக்!!

கோடை வெயிலில் கருத்து போகும் முகத்தை பொலிவுற செய்யும் சூப்பர் பொருள் அரிசி மாவு. 

வாரத்தில் இரண்டு நாட்களாவது ஃபேஸ் பேக் போடுவது சரும ஆரோக்கியத்தை மேம்படுத்தும். 

அரிசி மாவுடன் வெவ்வேறு பொருள்களை கலந்து ஃபேஸ் பேக் போடலாம். இங்கு சில வகைகளை காண்போம். 

ஒரு பாத்திரத்தில் அரிசி மாவு, ஆளி விதை ஊற வைத்த நீர் கலந்து முகத்தில் தடவி, 10 நிமிடத்தில் மசாஜ் செய்து கழுவுங்கள். 

அரிசி மாவு, தேன் சம அளவு கலந்து முகத்தில் தடவி 10 நிமிடங்கள் அப்படியே விடுங்கள். கழுவும் முன் மசாஜ் செய்யவும். 

அரிசி மாவு, தயிர் சம அளவில் கலந்து முகத்தில் தடவி நன்கு மசாஜ் செய்யுங்கள். சிறிது நேரம் கழித்து கழுவுங்கள். 
 

அரிசி மாவு, ப்ரவுன் சுகர் இரண்டையும் சிறிது ரோஸ் வாட்டர் விட்டு கலந்து முகத்தில் சிறிது நேரம் மசாஜ் செய்து கழுவலாம்.

அரிசி மாவு, கற்றாழை ஆகியவற்றை சம அளவு எடுத்து முகத்தில் பூசுங்கள். 10 நிமிடங்கள் கழித்து கழுவினால் சருமம் நீரேற்றமாக இருக்கும்.  

சரும ஆரோக்கியத்தை பேண உணவு கட்டுப்பாடு அவசியம். கோடையில் எண்ணெய் உணவுகள், துரித உணவுகளை தவிருங்கள். 

வெயிலில் சருமத்தை ஈரப்பதமாக வைத்திருக்க நீர் ஆகாரங்களை எடுத்துக் கொள்ளுங்கள். நிறைய தண்ணீர் குடியுங்கள்.