WhatsApp Users Alert: உங்க அக்கவுண்ட் ஹேக் செய்யப்பட்டுள்ளதா? இந்த 5 அறிகுறி இருந்தா ஆபத்து!

இந்தியாவில் அதிகம் பயன்படுத்தப்படும் செயலியாக வாட்ஸ்அப் உள்ளது. தனிப்பட்ட மெசேஜ்கள் முதல் வங்கி பரிவர்த்தனைகள் (WhatsApp Pay) வரை அனைத்தும் இதில் நடைபெறுவதால், இது ஹேக் செய்யப்பட்டால் பெரிய ஆபத்து காத்திருக்கிறது. உங்கள் வாட்ஸ்அப் கணக்கு வித்தியாசமாகச் செயல்படுவதை உணர்ந்தால், அதை அலட்சியப்படுத்தாதீர்கள். யாரோ உங்கள் கணக்கை ரகசியமாகக் கண்காணிக்க வாய்ப்புள்ளது.

இதுதான் ஹேக்கிங்கின் முதல் மற்றும் முக்கிய அறிகுறியாகும். நீங்கள் வாட்ஸ்அப்பைப் பயன்படுத்திக் கொண்டிருக்கும்போதே "Your phone number is no longer registered" என்ற செய்தி வந்தால் அல்லது தானாகவே லாக் அவுட் ஆனால், வேறு யாரோ உங்கள் எண்ணை வேறொரு மொபைலில் பதிவு செய்திருக்கிறார்கள் என்று அர்த்தம்.

உங்கள் நண்பர்களோ அல்லது உறவினர்களோ, "நீ ஏன் இந்த மெசேஜ் அனுப்பினாய்?" என்று கேட்டால், ஆனால் நீங்கள் அப்படி எந்த மெசேஜையும் அனுப்பியிருக்கவில்லை என்றால் உஷாராகுங்கள். உங்கள் வாட்ஸ்அப் கணக்கு வேறு ஒருவரின் கட்டுப்பாட்டில் இருப்பதற்கான மிகத் தெளிவான அறிகுறி இது.

உடனடியாக உங்கள் வாட்ஸ்அப் செட்டிங்ஸில் உள்ள 'Linked Devices' பகுதிக்குச் செல்லுங்கள். அங்கு உங்களுக்குத் தெரியாத கம்ப்யூட்டரோ அல்லது வேறு இடங்களிலிருந்தோ (Login Location) உங்கள் கணக்கு லாக்-இன் செய்யப்பட்டிருந்தால், யாரோ உங்கள் மெசேஜ்களைப் படித்துக் கொண்டிருக்கிறார்கள் என்று அர்த்தம்.

உங்கள் வாட்ஸ்அப்பில் மால்வேர் (Malware) அல்லது ஸ்பைவேர் (Spyware) ஊடுருவி இருந்தால், அது பின்னணியில் தொடர்ந்து இயங்கிக்கொண்டே இருக்கும். இதனால் உங்கள் மொபைல் வழக்கத்திற்கு மாறாகச் சூடாகும் மற்றும் பேட்டரி சார்ஜ் மளமளவெனக் குறையும். மொபைல் திடீரென வேகம் குறைவதும் (Slow Performance) இதன் அறிகுறியாகும்.

உங்கள் வாட்ஸ்அப் காண்டாக்ட் லிஸ்டில் உங்களுக்குத் தெரியாத புதிய எண்கள் சேர்ந்திருந்தாலோ அல்லது நீங்கள் சேராத குரூப்களில் (Groups) உங்கள் எண் இணைக்கப்பட்டிருந்தாலோ கவனமாக இருக்க வேண்டும். மோசடி கும்பல் உங்கள் கணக்கைப் பயன்படுத்தி மற்றவர்களை ஏமாற்ற முயற்சிக்கலாம்.

• 2-Step Verification: செட்டிங்ஸில் Account > Two-step verification பகுதிக்குச் சென்று 6 இலக்க PIN நம்பரை செட் செய்யுங்கள். இது ஹேக்கர்கள் உங்கள் கணக்கை அணுகுவதைத் தடுக்கும்.

• உடனே லாக் அவுட் செய்யுங்கள்: Linked Devices பகுதிக்குச் சென்று, சந்தேகத்திற்குரிய அனைத்து சாதனங்களிலிருந்தும் லாக் அவுட் (Log out) கொடுங்கள்.

• மறுபடியும் இன்ஸ்டால் செய்யுங்கள்: சந்தேகம் அதிகமாக இருந்தால், வாட்ஸ்அப்பை அன்-இன்ஸ்டால் செய்துவிட்டு மீண்டும் இன்ஸ்டால் செய்யுங்கள். இது அங்கீகரிக்கப்படாத இணைப்புகளைத் துண்டிக்கும்.

• OTP பகிர வேண்டாம்: வாட்ஸ்அப் அல்லது எந்தவொரு அழைப்பு மூலமாகவும் வரும் OTP எண்களை யாருடனும் பகிராதீர்கள்.

• அப்டேட் செய்யுங்கள்: உங்கள் மொபைல் மென்பொருள் மற்றும் வாட்ஸ்அப் செயலியை எப்போதும் அப்டேட் (Update) செய்து வைத்திருங்கள்.

பதறாமல் இந்த வழிமுறைகளைப் பின்பற்றினாலே போதும், உங்கள் வாட்ஸ்அப் கணக்கை நிமிடங்களில் பாதுகாத்துவிடலாம்.