iPhone 15-க்கு அடித்த லக்.. iPhone 17-க்கு பயந்து ரூ.20,000 விலை குறைப்பு! ஷாக்கில் ரசிகர்கள்

புதிய iPhone 17 சீரிஸ் வெளியாக உள்ள நிலையில், ஆப்பிள் நிறுவனம் வழக்கம்போல் அதன் பழைய மாடல்களின் விலையைக் குறைத்துள்ளது. 2023-ல் அறிமுகப்படுத்தப்பட்ட iPhone 15-ன் விலையும் தற்போது மீண்டும் குறைக்கப்பட்டுள்ளது. இந்த அதிரடி விலை குறைப்பினால், வாடிக்கையாளர்கள் பல ஆயிரம் ரூபாயை மிச்சப்படுத்த முடியும். எந்தெந்த தளங்களில் எவ்வளவு தள்ளுபடி கிடைக்கிறது, எப்படி வாங்குவது என விரிவாகப் பார்க்கலாம்.

iPhone 15, ஆரம்பத்தில் ரூ.79,900 விலையில் அறிமுகப்படுத்தப்பட்டது. கடந்த ஆண்டு அதன் விலை ரூ.10,000 குறைக்கப்பட்டு ரூ.69,900 ஆனது. தற்போது, இந்த போன் அமேசான் மற்றும் பிளிப்கார்ட் ஆகிய இரண்டு தளங்களிலும் மேலும் குறைவான விலையில் கிடைக்கிறது.

பிளிப்கார்ட்: ஐபோன் 15 இங்கு ரூ.64,900 என்ற ஆரம்ப விலையில் பட்டியலிடப்பட்டுள்ளது. இது நேரடி ரூ.5,000 விலை குறைப்பு ஆகும். இதனுடன் வங்கி சலுகைகளும் கிடைக்கும்.

அமேசான்: அமேசானில் தள்ளுபடி இன்னும் பெரியது. iPhone 15-ன் விலை ரூ.20,000 குறைக்கப்பட்டு, ஆரம்ப விலை ரூ.59,900-ஆக உள்ளது. இதனுடன் வங்கி சலுகைகளைப் பயன்படுத்தினால், அதன் விலை ரூ.58,103 ஆக குறையும்.

விலை குறைப்பு மட்டுமின்றி, எக்ஸ்சேஞ்ச் சலுகைகளும் இந்த தளங்களில் கிடைக்கின்றன. உங்கள் பழைய போனை மாற்றிக்கொள்ள விரும்பினால், அதன் மதிப்பு ரூ.20,000 வரை இருக்கலாம். அப்படி ஒரு சலுகை கிடைத்தால், புதிய ஐபோன் 15-ஐ ரூ.40,000-க்கும் குறைவான விலையில் வாங்கலாம். ஆனால், உங்கள் பழைய போனின் நிலை மற்றும் மாடலைப் பொறுத்து எக்ஸ்சேஞ்ச் மதிப்பு மாறுபடும்.

இந்த விலை குறைப்பிற்குப் பிறகும், ஐபோன் 15 ஒரு சிறந்த தேர்வாகவே உள்ளது. இதன் 6.1-இன்ச் சூப்பர் ரெட்டினா XDR டிஸ்ப்ளே மற்றும் டைனமிக் ஐலேண்ட் அம்சம் பயனர்களுக்கு புதிய அனுபவத்தைத் தரும். பின்பக்கம் 48MP முக்கிய கேமரா மற்றும் 12MP அல்ட்ரா-வைட் கேமரா என இரட்டை கேமரா அமைப்பு உள்ளது. முன்புறத்தில் 12MP செல்ஃபி கேமரா உள்ளது. A16 பயோனிக் சிப், 6GB ரேம் மற்றும் iOS 17 (iOS 18-க்கு அப்கிரேடு செய்ய முடியும்) உடன் இந்த போன் செயல்படுகிறது. பிளாக், ப்ளூ, கிரீன், பிங்க் மற்றும் யெல்லோ என ஐந்து வண்ணங்களில் இது கிடைக்கிறது.