கூகுள் ஜெமினி ப்ரோ இலவசம்.. ஜியோ கொடுத்த அதிரடி கிஃப்ட்.. பெறுவது எப்படி?

ரிலையன்ஸ் ஜியோ இன்று (அக்டோபர் 30, 2025) முதல் ஒரு சிறப்பு சலுகையை அறிவித்துள்ளது. கூகுளின் செயற்கை நுண்ணறிவு உதவியாளரான ஜெமினி ப்ரோ (ஜெமினி ப்ரோ) சேவையை ஜியோ பயனர்களுக்கு முற்றிலும் இலவசமாக வழங்கப் போவதாக தெரிவித்துள்ளது. இந்த திட்டம் குறிப்பாக இளம் தலைமுறையை இலக்காக கொண்டது.

இந்த ஜெமினி ப்ரோ AI சேவையை 18 முதல் 25 வயதுக்குட்பட்ட இளைஞர்கள் மட்டுமே இலவசமாகப் பெற முடியும். மேலும், அவர்களிடம் ஜியோ அன்லிமிடெட் 5G திட்டம் செயலில் இருக்க வேண்டும். ரூ.35,100 மதிப்புள்ள இந்த சேவையில் அன்லிமிடெட் AI சாட், 2TB கிளவுட் ஸ்டோரேஜ், வீடியோ உருவாக்கம் செய்யும் Veo 3.1, மற்றும் புகைப்படங்களை உருவாக்கும் Nano Banana தொழில்நுட்பம் ஆகியவை அடங்கும்.

ஜியோவின் கூற்று படி, இன்றைய இந்தியாவின் முன்னேற்றத்தில் இளைஞர்களின் பங்கு மிக முக்கியமானது. அவர்களின் புதுமைத் திறனை ஊக்குவிக்க "யங் இந்தியா முன்முயற்சி" திட்டத்தின் ஒரு பகுதியாக, ஜெமினி ப்ரோ இலவச சேவை அறிமுகப்படுத்தப்பட்டுள்ளது. ரூ.349 திட்டத்தில் 5G இணைப்பைப் பெற்றிருக்கும் பயனர்கள் இதனை 18 மாதங்கள் வரை இலவசமாகப் பயன்படுத்தலாம்.

MyJio செயலி மூலமாக இந்த ஆஃபரை எளிதாக ஆக்டிவேட் செய்யலாம். ஒருமுறை செயல்படுத்திய பின், பயனர்கள் 18 மாதங்கள் ஜெமினி புரோ AI சேவையை இலவசமாகப் பயன்படுத்தலாம். மேலும் விவரங்கள் மற்றும் விதிமுறைகளுக்கு jio.com தளத்தைப் பார்க்கலாம். இளைஞர்களுக்கான இந்த டிஜிட்டல் முயற்சி, இந்தியாவில் செயற்கை நுண்ணறிவு ஆப் அடுத்த கட்டத்துக்கு எடுத்துச் செல்லும் என எதிர்பார்க்கப்படுகிறது.