ரூ.1க்கு சிம் கார்டு… தினமும் 2GB டேட்டா, அன்லிமிடெட் கால்.. பிஎஸ்என்எல் சூப்பர் ஆஃபர்!

மொபைல் ரீசார்ஜ் விலைகள் நாளுக்கு நாள் உயர்ந்து கொண்டிருக்கும் நிலையில், மிகக் குறைந்த விலையில் அதிக நன்மைகள் தரும் ஒரு புதிய சலுகை சந்தையில் கவனம் செலுத்துகிறது. குறிப்பாக, ரூ.1க்கு சிம் கார்டு, தினமும் 2ஜிபி டேட்டா, அன்லிமிடெட் கால்ஸ், 30 நாள் வேலிடிட்டி என்ற ஆஃபர் யாரையும் ஆச்சரியப்படுத்தும் வகையில் உள்ளது. இந்த சலுகை தற்போது தொலைத்தொடர்பு வட்டாரத்தில் பேசுபொருளாக மாறியுள்ளது.

இந்த திட்டத்தை கொண்டு வந்தது பிஎஸ்என்எல். ‘ரூ.1 Freedom Plan’ என்ற பெயரில் அறிமுகமான இந்த ஆஃபர் புதிய பயனர்களுக்காகவே உள்ளது. இதில் வழங்கப்படும் சிம் கார்டு 30 நாட்கள் செயல்படும். தினமும் 2GB டேட்டா, வரம்பில்லா வாய் அழைப்புகள், மற்றும் 100 SMS வசதியும் இதில் அடங்கும். இது பொதுவான பயன்பாடுகளுக்கு போதுமானதாக இருக்கும்.

இந்த சிம் கார்டை பெற ஒரு முக்கிய நிபந்தனை உள்ளது. இது ஆன்லைனில் கிடைக்காது. பிஎஸ்என்எல் சேவை மையங்கள் அல்லது அங்கீகரிக்கப்பட்ட கடைகளில் மட்டுமே நேரடியாக பெற முடியும். வாங்கும் போது KYC கட்டாயம். மேலும், இந்த சலுகை 2026 ஏப்ரல் 30 வரை மட்டுமே கிடைக்கும். அதனால் இது ஒரு குறுகிய கால வாய்ப்பாக பார்க்கப்படுகிறது.

30 நாட்கள் முடிந்தது, தொடர்ந்து சேவையைப் பயன்படுத்த ரீசார்ஜ் செய்ய வேண்டும். அதற்காக பிஎஸ்என்எல் பல குறைந்த விலை திட்டங்களையும் வழங்குகிறது. ரூ.153 ரீசார்ஜில் 24 நாட்கள், தினம் 1ஜிபி டேட்டா மற்றும் அன்லிமிடெட் கால்கள் கிடைக்கும். அதிக டேட்டா தேவையுள்ளவர்களுக்கு ரூ.599 திட்டம் 70 நாட்கள், தினமும் 3ஜிபி டேட்டா வழங்கப்படுகிறது. மேலும், ரூ.2799 ஆண்டு திட்டத்தில் 365 நாட்கள், தினம் 3ஜிபி டேட்டா மற்றும் காலிங் வசதி உள்ளது.

இதற்கு கூடுதலாக, பொழுதுபோக்குக்காக ரூ.499 ஓடிடி அட்-ஆன் பேக் வழங்கப்படுகிறது. இதில் பல பிரபல ஓடிடி தளங்களை பயன்படுத்தலாம். மொத்தத்தில், குறைந்த செலவில் அதிக நன்மைகள் தரும் சேவைகளை வழங்கும் நிறுவனமாக பிஎஸ்என்எல் தொடர்ந்து தன்னை நிரூபித்து வருகிறது. ரூ.1 Freedom Plan, குறைந்த செலவில் புதிய சிம் தேடுபவர்களுக்கு ஒரு நல்ல வாய்ப்பாக பார்க்கப்படுகிறது.