BSNL: ரூ.200 கூட இல்ல.. 42 நாள் வேலிடிட்டி.. டேட்டா + கால்ஸ்.. மாஸ் காட்டும் பிஎஸ்என்எல்.. செம பிளான்!

தனியார் தொலைத்தொடர்பு நிறுவனங்கள் தங்கள் ரீசார்ஜ் திட்டங்களின் விலைகளை அதிகரித்ததிலிருந்து, பெரும்பாலான பயனர்கள் அரசு தொலைத்தொடர்பு நிறுவனமான பிஎஸ்என்எல் பக்கம் திரும்பி வருகின்றனர். BSNL ரீசார்ஜ் திட்டங்கள் தனியார் தொலைத்தொடர்பு நிறுவனங்களை விட மிகவும் மலிவானவை. அதனால்தான் பெரும்பாலான பயனர்கள் BSNL திட்டங்களைப் பயன்படுத்துகின்றனர்.

பிஎஸ்என்எல் பிரிபெய்ட் திட்டம்

பிஎஸ்என்எல் அதன் மலிவு மற்றும் நீண்ட செல்லுபடியாகும் திட்டங்களால் பயனர்களின் இதயங்களை தொடர்ந்து வென்று வருகிறது. நீங்கள் ஒரு BSNL வாடிக்கையாளராக இருந்து உங்களுக்காக ஒரு மலிவான திட்டத்தைத் தேடுகிறீர்கள் என்றால் பிஎஸ்என்எல் வழங்கும் சூப்பரான பிரிபெய்ட் திட்டம் குறித்து பார்க்கலாம். ரூ.197 விலை கொண்ட இந்த திட்டம் மொத்தம் 42 நாட்கள் வேலிடிட்டி வழங்குகிறது.

இந்த 42 நாட்களுக்கு மொத்தம் 300 நிமிட இலவச உள்ளூர் போன் கால்ஸ் மற்றும் எஸ்டிடி போன் கால்ஸ் செய்ய முடியும். இந்த பிளான் செல்லுபடியாகும் 42 நாட்களுக்கும் 4 ஜிபி அதிவேக டேட்டா உங்களுக்கு கிடைக்கும். இந்த டேட்டா வரம்பு தீர்ந்த பிறகும், 40Kbps வேகத்தில் டேட்டா பயன்படுத்தலாம். மேலும் இந்த திட்டத்தில் மொத்தம் 100 எஸ்எம்எஸ் சலுகை உங்களுக்கு கிடைக்கும்.

சிம் கார்டை நீண்ட நாள் செயலில் வைக்கலாம்

போன் கால்ஸ் இலவச அழைப்பு முடிந்தபிறகு உள்ளூர் அழைப்பு நிமிடத்திற்கு ரூ.1, எஸ்டிடி அழைப்பு நிமிடத்திற்கு ரூ.1.30 கட்டணம் வசூலிக்கப்படும். இதேபோல் கூடுதல் டேட்டா தேவைப்பட்டால் ஒரு mbக்கு 25 பைசா கட்டணம் வசூலிக்கப்படும். குறைந்த விலையில் சிம் கார்டை நீண்ட நேரம் செயலில் வைத்திருக்க விரும்புபவர்களுக்கு இந்த பிளான் பொருத்தமாக இருக்கும்.

குறைந்த டேட்டா பயன்பாடு உள்ளவர்களுக்கும், தேவைப்படும்போது மட்டும் போன் கால்ஸ் செய்பவர்களுக்கும் இந்த திட்டம் மிகச்சிறந்த தேர்வாக அமையும். மேலும் ஏர்டெல், ஜியோ மற்றும் வோடோபோன் ஆகிய தனியார் நிறுவனங்களை விட இந்த பிளானின் விலை குறைவாக இருப்பதால் வாடிக்கையாளர்களுக்கு ஏற்ற திட்டமாகும்.