- Home
- டெக்னாலஜி
- ஏர்டெல் சிம் வெச்சிருக்கீங்களா? அவசரத்துக்கு உதவும் 2026-க்கான முக்கிய எண்கள் - உடனே சேவ் பண்ணிக்கோங்க!
ஏர்டெல் சிம் வெச்சிருக்கீங்களா? அவசரத்துக்கு உதவும் 2026-க்கான முக்கிய எண்கள் - உடனே சேவ் பண்ணிக்கோங்க!
Airtel ஏர்டெல் வாடிக்கையாளர் சேவை எண்கள் 2026. மொபைல், பிராட்பேண்ட் மற்றும் வங்கி புகார்களுக்கு யாரை அழைக்க வேண்டும்? முழு விபரங்கள் இங்கே.
Airtel
இந்தியாவின் முன்னணி தொலைத்தொடர்பு நிறுவனங்களில் ஒன்றான ஏர்டெல், கோடிக்கணக்கான வாடிக்கையாளர்களைக் கொண்டுள்ளது. நெட்வொர்க் பிரச்சனை, ரீசார்ஜ் தோல்வி அல்லது இணைய வேகம் குறைவு போன்ற பிரச்சனைகள் எப்போது வேண்டுமானாலும் வரலாம். அந்த இக்கட்டான நேரத்தில், சரியான வாடிக்கையாளர் சேவை மைய எண்ணைத் (Customer Care Number) தேடி அலைவது பெரிய தலைவலியாக இருக்கும். அந்தக் கவலையைப் போக்கவே, 2026-ஆம் ஆண்டிற்கான ஏர்டெல் உதவி எண்களின் முழுப் பட்டியலை இங்கே தொகுத்துள்ளோம்.
ப்ரீபெய்ட் மற்றும் போஸ்ட்பெய்ட் வாடிக்கையாளர்களுக்கான எண்கள்
நீங்கள் ஏர்டெல் ப்ரீபெய்ட் அல்லது போஸ்ட்பெய்ட் சிம் பயன்படுத்துபவர் என்றால், கீழே உள்ள எண்களைத் தொடர்பு கொள்ளலாம்:
• 121: உங்கள் பிளான் விவரங்கள், சலுகைகள் மற்றும் சேவைகள் தொடர்பான சந்தேகங்களுக்கு இந்த எண்ணை அழைக்கவும்.
• 198: நெட்வொர்க் புகார்கள் அல்லது சேவை குறைபாடுகளுக்கு இந்த எண்ணைப் பயன்படுத்தலாம்.
முக்கிய குறிப்பு: 198-க்கு அழைக்கும்போது, தானியங்கி குரல் (IVR) சேவை இலவசம். ஆனால், நீங்கள் வாடிக்கையாளர் சேவை அதிகாரியுடன் (Customer Care Executive) பேச விரும்பினால், 3 நிமிடத்திற்கு 50 பைசா கட்டணம் வசூலிக்கப்படும்.
ஏர்டெல் பிராட்பேண்ட் மற்றும் லேண்ட்லைன் புகார்களுக்கு
வீட்டில் ஏர்டெல் ஃபைபர் (Fiber) அல்லது லேண்ட்லைன் இணைப்பு வைத்திருப்பவர்களுக்கு இணையச் சேவை தடைபட்டால் தொடர்பு கொள்ள வேண்டிய எண்கள்:
• 121: உங்கள் ஏர்டெல் லேண்ட்லைன் போனிலிருந்து அழைக்க.
• 9810012345: இது பிராட்பேண்ட் புகார்களுக்கான பிரத்யேக 24x7 எண்.
நீங்கள் பதிவு செய்த மொபைல் எண்ணிலிருந்து அழைத்தால், உங்கள் கணக்கை அடையாளம் காண்பது அதிகாரிகளுக்கு எளிதாக இருக்கும்.
ஏர்டெல் டிஜிட்டல் டிவி (DTH) பிரச்சனையா?
உங்கள் டிவியில் சிக்னல் வரவில்லை அல்லது சேனல் பேக் மாற்ற வேண்டுமா? இதோ அதற்கான எண்கள்:
• 121: ஏர்டெல் மொபைலிலிருந்து அழைக்க.
• 1800-103-6065: மற்ற நெட்வொர்க் மொபைல்களில் இருந்து அழைக்க.
ஏர்டெல் பேமெண்ட்ஸ் வங்கி சப்போர்ட் (Payments Bank)
இப்போது பலரும் ஏர்டெல் பேமெண்ட்ஸ் வங்கியைப் பயன்படுத்துகிறார்கள். பணம் அனுப்புவதில் சிக்கல் அல்லது KYC தொடர்பான சந்தேகங்களுக்கு:
• 400: ஏர்டெல் வாடிக்கையாளர்களுக்கு.
• 8800688006: மற்ற நெட்வொர்க் பயனர் மற்றும் லேண்ட்லைன் பயனர்களுக்கு.
சிம் தொலைந்துவிட்டால் உடனே இதைச் செய்யுங்கள்!
உங்கள் போன் திருடப்பட்டாலோ அல்லது சிம் கார்டு தொலைந்து போனாலோ, தாமதிக்காமல் உடனே சிம்மை பிளாக் (Block) செய்ய வேண்டும். அப்போதுதான் உங்கள் எண்ணை வேறு யாரும் தவறாகப் பயன்படுத்த முடியாது. இதற்கு அழைக்க வேண்டிய எண்கள் (எந்த மொபைலிலிருந்தும் அழைக்கலாம்):
• 9849098490
• 1800-103-4444
தேவையற்ற நேர விரயத்தைத் தவிர்க்கவும், அவசர நேரத்தில் பதற்றப்படாமல் இருக்கவும், மேலே உள்ள எண்களை இன்றே உங்கள் போனில் சேமித்து வைத்துக்கொள்ளுங்கள்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
