கூகுள் மேப்ஸில் வழி தேடுவதைத் தாண்டி இவ்வளவு வசதிகள் இருக்கா? நீங்கள் கட்டாயம் தெரிந்துகொள்ள வேண்டிய 7 சீக்ரெட் டிப்ஸ்!

இன்று உலகம் முழுவதும் 2 பில்லியனுக்கும் அதிகமான மக்கள் கூகுள் மேப்ஸைப் (Google Maps) பயன்படுத்துகின்றனர். ஆனால் நம்மில் பெரும்பாலானோர் இதை ஒரு இடத்திலிருந்து மற்றொரு இடத்திற்குச் செல்வதற்கான வழியைக் (Route) காட்ட மட்டுமே பயன்படுத்துகிறோம். உண்மையில், கூகுள் மேப்ஸில் ஒளிந்திருக்கும் பல 'ஸ்ார்ட்' வசதிகள் நம் அன்றாட வாழ்க்கையை, குறிப்பாக இந்திய நகரங்களில் பயணத்தை மிகவும் எளிதாக்கும் வல்லமை கொண்டவை. அப்படிப்பட்ட 7 முக்கிய வசதிகளை இங்கே காண்போம்.

நீண்ட தூரப் பயணத்தின் போது பெட்ரோல் தீர்ந்துவிடுமோ அல்லது எலக்ட்ரிக் வரியின் சார்ஜ் குறைந்துவிடுமோ என்ற கவலை இனி வேண்டாம். நீங்கள் ஒரு இடத்திற்கு நேவிகேஷனை ஆன் செய்த பிறகு, வழியிலேயே எங்கு பெட்ரோல் பங்க் அல்லது EV சார்ஜிங் ஸ்டேஷன் உள்ளது என்பதை கூகுள் மேப் காட்டுகிறது. தேடல் ஐகானை க்ளிக் செய்து 'Fuel stations' அல்லது 'EV charging stations' என்பதைத் தேர்வு செய்தால் போதும்.

2. கடைக்குச் செல்லாமலேயே உள்ளே எட்டிப் பார்க்கலாம்!

நீங்கள் ஒரு கடைக்குச் செல்லும் முன், அங்கு என்னென்ன பொருட்கள் உள்ளன என்பதைத் தெரிந்துகொள்ள விரும்புகிறீர்களா? கூகுள் மேப்ஸில் உள்ள கடையின் ஐகானைத் தட்டினால், அந்தக் கடையின் உட்புறப் புகைப்படங்கள், தயாரிப்புப் பட்டியல்கள் மற்றும் வாடிக்கையாளர் விமர்சனங்களைப் பார்க்கலாம். உங்களுக்குப் பிடித்த பிராண்ட் அங்கு இருக்கிறதா என்பதை வீட்டிலிருந்தே உறுதி செய்து கொள்ளலாம்.

நீங்கள் வாக்கிங் செல்லும் தூரத்தைக் கணக்கிடவோ அல்லது ஒரு குறிப்பிட்ட இடத்தின் பரப்பளவை அளவிடவோ விரும்பினால், கூகுள் மேப் உதவும். மொபைலில் மேப்பில் ஒரு இடத்தை நீண்ட நேரம் அழுத்தவும் (Long Press), பின்னர் 'Measure distance' என்பதைத் தேர்வு செய்யவும். புள்ளிகளை நகர்த்தித் துல்லியமான தூரத்தையும் பரப்பளவையும் நொடியில் தெரிந்துகொள்ளலாம்.

4. கடையின் ஜாதகமே உங்கள் கையில்!

புதிதாக ஒரு ஹோட்டலுக்கோ அல்லது கடைக்கோ செல்கிறீர்கள் என்றால், அது திறந்திருக்கும் நேரம், பார்க்கிங் வசதி, மாற்றுத்திறனாளிகளுக்கான வசதி மற்றும் சுகாதாரம் குறித்த விவரங்களை முன்கூட்டியே அறிந்துகொள்ளலாம். மற்ற வாடிக்கையாளர்களின் ரேட்டிங் (Rating) மற்றும் கருத்துக்களை வைத்து, அது உங்கள் நேரத்தைச் செலவிடத் தகுதியான இடம்தானா என்பதை முடிவு செய்யலாம்.

மாற்றுத்திறனாளிகள் அல்லது சக்கர நாற்காலி (Wheelchair) பயன்படுத்துபவர்களுக்கு ஏற்ற இடங்களை எளிதாகக் கண்டறிய கூகுள் மேப் உதவுகிறது. செட்டிங்ஸில் சென்று 'Accessibility' என்பதை க்ளிக் செய்து, 'Accessible Places' என்பதை ஆன் செய்யவும். இப்போது சக்கர நாற்காலி செல்லும் வசதி கொண்ட நுழைவாயில்கள் உள்ள இடங்களை மேப் தெளிவாகக் காட்டும்.

இந்தியாவின் பரபரப்பான சாலைகளில் டிராஃபிக் ஜாமில் சிக்கிக்கொள்வது நரக வேதனை. கூகுள் மேப்ஸில் 'Traffic Layer' என்பதை ஆன் செய்தால், எந்தச் சாலையில் நெரிசல் அதிகம் (சிவப்பு நிறம்) என்பதை லைவ்-ஆகக் காட்டும். நெரிசல் இல்லாத மாற்றுப்பாதையைத் தேர்ந்தெடுத்து நேரத்தை மிச்சப்படுத்தலாம்.

கூகுள் மேப்ஸில் தற்போது செயற்கை நுண்ணறிவு (AI) இணைக்கப்பட்டுள்ளது. உதாரணமாக, திடீரென மழை பெய்தால், அருகில் உள்ள பாதுகாப்பான கஃபேக்களை அதுவே பரிந்துரைக்கும். வானிலை மற்றும் சாலை நிலவரத்திற்கு ஏற்ப உங்கள் பயணத் திட்டத்தை மாற்றியமைக்க இந்த AI உதவும்.

இனி கூகுள் மேப்ஸை சும்மா வழி தேட மட்டும் பயன்படுத்தாதீங்க. இந்த ஸ்மார்ட் வசதிகளைப் பயன்படுத்தி நேரத்தையும், பணத்தையும் மிச்சப்படுத்துங்கள்!