பிப்ரவரி 24 முதல்.. லட்சம் லட்சமாய் சம்பாதிக்க சூப்பர் சான்ஸ்! தமிழக அரசு சொன்ன குட்நியூஸ்!

வேலை தேடி அலையும் இளைஞர்களுக்கு வேலை வாய்ப்பை உருவாக்கும் வகையில் பல்வேறு திட்டங்களை தமிழக அரசு செயல்படுத்தி வருகிறது. அதுமட்டுமல்லாமல் தனியார் நிறுவனங்களுடன் இணைந்து தமிழகம் முழுவதும் உள்ள மாவட்டங்களில் வேலையை வாய்ப்பை அரசு ஏற்படுத்துகிறது. குறிப்பாக, இளைஞர்களுக்கும் வேலைவாய்ப்புகளை கொடுக்கவும், சுய தொழில் தொடங்கவும் சிறுதானியங்களை (மில்லெட்) கொண்டு பேக்கரி பொருட்கள் தயாரித்தல், டிரோன் பயிற்சி உள்ளிட்ட பல்வேறு துறைகளில் பயிற்சி வகுப்புகளை தமிழக அரசு நடத்தி வருகிறது.

இந்நிலையில் தற்போதைய காலக்கட்டத்தில் பெட்ரோல், டீசல் வாகனங்களில் இருந்து எலக்ட்ரிக் வாகனங்களுக்கு பல்வேறு தரப்பினரும் மாறி வரும் சூழலில் இதற்காக 3 நாட்கள் மின்சார வாகன தொழில்நுட்பம் மற்றும் தொழில்முனைவோர் பயிற்சி அறிவிக்கப்பட்டுள்ளது.

இதுதொடர்பாக தமிழக அரசு வெளியிட்டுள்ள செய்தி குறிப்பில்: தமிழக அரசின் தொழில் முனைவோர் மேம்பாடு மற்றும் புத்தாக்க நிறுவனம், சென்னையில், “Electrical Vehicle Technology (EV) Training Programme” தொடர்பான பயிற்சி வரும் 24.02.2026 முதல் 26.02.2026 தேதி வரை காலை 10.00 மணி முதல் மாலை 5.00 மணி வரை நடைபெற உள்ளது.

இப்பயிற்சியில் மின்சார வாகன அறிமுகம், EV அமைப்பு கட்டமைப்பு (மிக முக்கியமானது), மின்சார வாகனங்களில் பயன்படுத்தப்படும் மின்சார மோட்டார்கள், பவர் எலக்ட்ரானிக்ஸ் அடிப்படைகள், மீளுருவாக்க பிரேக்கிங், EV பேட்டரி அடிப்படைகள் (மிக முக்கியமானது), பேட்டரி மேலாண்மை அமைப்பு (BMS), EV சார்ஜிங் தொழில்நுட்பங்கள், மின்சார வாகனங்களில் வெப்ப மேலாண்மை, EVகளில் பாதுகாப்பு, EV பவர்டிரெய்ன் இயக்கம் (வாகன நிலை புரிதல்), EV செயல்திறன் அளவுருக்கள், EV கட்டுப்பாட்டு அமைப்புகளின் அடிப்படைகள் (சிக்கலான கணிதம் இல்லை), மீளுருவாக்க பிரேக்கிங் - ஆழமானது (இன்னும் எளிமையானது), EV சோதனை, செயல்திறன் & தரநிலைகள் (அறிமுக நிலை), EV பயன்பாடுகள் & வழக்கு ஆய்வுகள், மின்சார வாகனங்களின் நன்மைகள், வரம்புகள் மற்றும் சவால்கள்.

இப்பயிற்சியில் ஆர்வமுள்ளவர்கள் (ஆண்/பெண்) 18 வயதுக்கு மேற்பட்ட குறைந்தபட்ச கல்வித் தகுதி 8-ம் வகுப்பு தேர்ச்சியாளர்கள் விண்ணப்பிக்கலாம். சென்னையில் பங்கு பெறும் ஆண், பெண் பயனாளிகளுக்கு குறைந்த வாடகையில் தங்கும் விடுதி உள்ளது தேவைப்படுவோர் இதற்கு விண்ணப்பித்து பெற்றுக் கொள்ளலாம். இப்பயிற்சி பற்றிய கூடுதல் விவரங்களை பெற விரும்புவோர் www.editn.in என்ற வலைத்தளத்தில் தெரிந்து கொள்ளலாம். மேலும் விவரங்களுக்கு அலுவலக வேலை நாட்களில் (திங்கள் முதல் வெள்ளி வரை) காலை 10 மணி முதல் மாலை 5.45 மணி வரை தொடர்பு கொள்ள வேண்டிய முகவரி மற்றும் கைபேசி எண்கள். 8668102600, 8754495254. முன்பதிவு அவசியம்: அரசு சான்றிதழ் வழங்கப்படும் என தெரிவிக்கப்பட்டுள்ளது.