Spiritual: வீட்டில் உள்ள எல்லா வாஸ்து பிரச்சினைகளையும் விரட்டும் "பஞ்ச சிர ஸ்தாபனம்"! எங்கு, எப்படி பதிக்க வேண்டும் தெரியுமா?

வீட்டில் அமைதி இல்லாமல் போவதும், பணம் தங்காமல் போவதும், அடிக்கடி சண்டைகள், உடல்நலக் குறைவு, தொழிலில் பின்னடைவு போன்றவை பலருக்கும் மனஅழுத்தம் தரும் பிரச்சினைகள். இவை அனைத்திற்கும் காரணமாக இருக்கும் ஒரு பெரிய சக்தி வாஸ்து தோஷம் என்று பல காலமாக நம்பப்பட்டு வருகிறது. இத்தகைய நெருக்கடிகளை சரி செய்வதற்காக தொன்ம காலத்தில் பல யந்திரங்கள் உருவாக்கப்பட்டுள்ளன. அவற்றில் மிக முக்கியமானதும், மிக வலிமையான சக்தி கொண்ட யந்திரம் தான் ‘பஞ்ச சிர ஸ்தாபனம்’ எனப்படும் வாஸ்து பரிகார யந்திரம்.

இந்த யந்திரத்தில் ஐந்து திசைகளுக்குப் பொறுப்பான ஐந்து விலங்குகளின் தலைகள் பொறிக்கப்பட்டிருக்கும். அவை:

• சிங்கம்
• ஆமை
• பன்றி
• யானை
• ஆண் எருது

இந்த ஐந்து விலங்குகளும் ஐந்து திசை சக்திகளையும் பிரதிபலிக்கின்றன. இவை வீட்டை காக்கும் காவல் தெய்வங்களைப் போல செயல்படுவதாக பழமையான வாஸ்து சாஸ்திரம் கூறுகிறது.

இந்த யந்திரத்தை பொதுவாக:

1. வெள்ளி தகடு
2. தங்கத் தகடு
3. தாமிரத் தகடு

இவைகளில் ஒன்றில் பொறித்துச் செய்வார்கள். சிலர் பூஜை கடைகளில் வாங்கினாலும், மிகவும் சிறப்பாக தயார் செய்ய விரும்புவோர் தாமாகவே ஆர்டர் செய்து செய்யவைக்கலாம்.

தவறான இடத்தில் வைத்தால் பயன் இல்லாமல் போகும்.

• வீட்டின் முக்கிய தலைவாயில் (Main Entrance) மேல்பகுதியில் 
• வாயில் உள்புறத்தில் ஸ்தாபிக்க வேண்டும்
• திசையைப் பொறுத்து வாஸ்து நிபுணர் ஆலோசனை பெற்று இடம் பொருந்த வைத்தால் மிகச் சிறப்பு

• முதலில் பஞ்ச சிர யந்திரத்துக்கு ஸ்தாபன பூஜை, வாஸ்து பூஜை செய்வது வழக்கம்.
• கூர்ந்து பார்க்க வேண்டியது – யந்திரம் நேராகவும் சுத்தமாகவும் இருக்க வேண்டும்.
• வீட்டில் பதித்த வுடன் ஒரு நன்னாள் தேர்வு செய்து வைப்பது மிக நன்மை தருகின்றது.

பண்டைய வாஸ்து நூல்களில் இந்த யந்திரம் குறித்து பல நன்மைகள் குறிப்பிடப்பட்டுள்ளன:

• வீட்டை கெடுக்கும் சக்திகள் நீங்கும்
• பொருளாதார முன்னேற்றம் ஏற்படும்
• தொழிலில் வளர்ச்சி
• வீட்டில் சாந்தி அமைதி நிலை பெறும்
• தீய ஆற்றல்கள் அருகில் வராது
• பணநஷ்டம் குறையும்
• எதிர்மறை சக்திகள் தடுக்கப்படும்

பலரும் வீட்டில் இருக்கும் வாஸ்து தோஷத்தை சரிசெய்ய, சிங்க மூக்குப் பீரங்கி, பீரமிட், துர்கை யந்திரம் போன்றவற்றை வைக்கிறார்கள். ஆனால் பஞ்ச சிர ஸ்தாபனம் எல்லா சக்திகளையும் ஒரே சேர கட்டுப்படுத்தும் சக்தி கொண்டதாக கருதப்படுகிறது.

• புதிய வீடு கட்டுபவர்கள்
• பழைய வீட்டில் பிரச்சினைகள் தொடர்ந்து வருபவர்கள்
• வாடகை வீட்டில் கூட பதிக்கலாம்
• கடை, அலுவலகம் போன்ற வியாபார இடங்களிலும் வைக்கலாம்

பஞ்ச சிர ஸ்தாபனம் என்பது ஒரு சாதாரண அலங்கார பொருள் அல்ல. வாஸ்து சாஸ்திரத்தில் மிகப் பலம் வாய்ந்த பரிகாரம். வீட்டில் அமைதி, முன்னேற்றம், செழிப்பு வர வேண்டும் என்றால் இந்த யந்திரத்தை சரியான முறையில் ஸ்தாபிப்பது மிகவும் நன்மை தரும்.