Kitchen Garden: மளிகை செலவு இனி பாதிதான்! கோடையில் இந்த 10 காய்களை ஈஸியா வளர்க்கலாம்!

வீட்டில் காய்கறி தோட்டம் அமைக்க கோடைக்காலம் ஒரு சரியான சீசன். இந்த நேரத்தில் சூரிய வெப்பம் காய்கறிகளின் வளர்ச்சியை வேகப்படுத்தும். சரியான தண்ணீர் மேலாண்மை செய்தால், வாரக்கணக்கில் ஃப்ரெஷ் காய்கறிகளை நீங்களே அறுவடை செய்யலாம். வீட்டுத் தோட்டம் என்றால் பெரிய இடம் வேண்டும் என்று நினைக்காதீர்கள். பால்கனி, மொட்டை மாடி, ஏன் சின்ன சின்ன தொட்டிகளில் கூட இந்த காய்கறிகளை ரொம்ப சுலபமாக வளர்க்க முடியும். குறைவான பராமரிப்பில், வேகமாக வளரும் 10 காய்கறிகளைப் பற்றி இங்கே பார்க்கலாம். இதனால் அடிக்கடி கடைக்குப் போகும் வேலையும் மிச்சமாகும்.

சுரைக்காய் (Bottle Gourd) அதிவேகமாக வளரும் கொடி: சுரைக்காய் கோடை காலத்தில் ரொம்ப வேகமாக வளரும். நல்ல வெயிலும், தினசரி தண்ணீரும் கிடைத்தால் 45-55 நாட்களில் செடி தயாராகிவிடும். இது செங்குத்தாக வளர்வதால், குறைந்த இடத்தையே எடுத்துக்கொள்ளும். ஒரு கொடியிலிருந்து பல வாரங்களுக்கு காய் பறிக்கலாம்.டிண்டா (Tinda) சமையலுக்கு சிறந்த காய்: டிண்டா செடியும் கோடை வெப்பத்தில் வேகமாக வளரும். மிதமான மதிய நேர வெயிலில் இது நன்றாக வளரும். சீக்கிரமே அறுவடைக்கு வந்து, தொடர்ந்து காய்களைக் கொடுக்கும்.

தக்காளி (Tomato) ஒவ்வொரு கிச்சனின் ஹீரோ: கோடை காலத்தில் தக்காளி செடிக்கு கொஞ்சம் கவனிப்பு கொடுத்தால் போதும், நல்ல விளைச்சல் தரும். இதை 12–14 இன்ச் தொட்டியில் வளர்க்கலாம். கோடை வெயிலும், சரியான தண்ணீரும் இருந்தால் அமோகமாக வளரும்.வெண்டைக்காய் (Okra) குறைந்த பராமரிப்பு, அதிக விளைச்சல்: வீட்டுத் தோட்டத்தில் வெண்டைக்காய் வளர்ப்பது ரொம்ப சுலபம். தொட்டிகளில்கூட நன்றாக காய்க்கும். கோடை வெயில் இதை இன்னும் பசுமையாக்கும்.

பச்சை மிளகாய் செடிக்கு நல்ல வெயில் தேவை. குறைந்த இடத்திலும் இது நன்றாக வளரும். 8–10 இன்ச் தொட்டியே போதுமானது. நட்ட 25–30 நாட்களில் பச்சை மிளகாய் கிடைக்கத் தொடங்கும்.

கத்திரிக்காய் செடி சூடான, வெயில் படும் இடத்தில் மிக வேகமாக வளரும். ஒவ்வொரு 7–10 நாட்களுக்கும் காய்களைப் பறிக்கலாம். இதன் வேர்கள் பரவுவதற்கு ஏதுவாக, பெரிய தொட்டியில் நட வேண்டும்.

வெள்ளரிக்காய் (Cucumber) கோடையின் சூப்பர் ஃபுட்: வெள்ளரிக்காய் கொடி கோடை காலத்தில் வேகமாகப் படரும். இது ஒரு கொடி வகை என்பதால், பந்தல் அல்லது கயிறு கட்டி விடலாம். தினமும் தண்ணீர் பாய்ச்சினால், 40–45 நாட்களில் மொறுமொறுப்பான வெள்ளரிக்காய் கிடைக்கும்.பாகற்காய் (Bitter Gourd) ஆரோக்கியம் தரும் அதிவேக வளர்ச்சி: பாகற்காய் கொடியும் கோடை வெயிலில் வேகமாகப் படரும். பால்கனியில் செங்குத்தாக வளர்க்கலாம். நட்ட 35–40 நாட்களில் முதல் அறுவடை செய்யலாம். ஆரோக்கியத்தில் அக்கறை உள்ளவர்களுக்கு இது ஒரு சிறந்த தேர்வு.

அவரைக்காய் (Beans) வேகமாக வளரும் காய்: கோடை காலத்தில் அவரைக்காய் கொடி 10–12 நாட்களிலேயே வேகமாக வளரத் தொடங்கிவிடும். குறைந்த தண்ணீரில் கூட வளரும் தன்மை கொண்டது. சீக்கிரமாகவும், தொடர்ந்தும் காய் கொடுக்கும்.பாலக்கீரை (Palak) சீக்கிரம் வளரும் கீரை வகை: உங்களுக்கு கீரை வகைகள் பிடிக்குமானால், பாலக்கீரை வளர்க்கலாம். 20–25 நாட்களில் அறுவடைக்குத் தயாராகிவிடும். வெயில் மற்றும் நிழல் என இரண்டிலும் வளரும். தொட்டி அல்லது தட்டுகளில் கூட இதை வளர்க்கலாம்.