Buttermilk for Hair : மோர் சூட்டுக்கு மட்டுமல்ல கூந்தலுக்கும் நல்லது! எப்படி பயன்படுத்தனும் தெரியுமா?

இன்றைய நாட்களில் பெரும்பாலான கூந்தல் தொடர்பான பல பிரச்சனைகளை சந்திக்கிறார்கள். முடி உதிர்தல், உடைதல், நரைத்தல், வறட்சியாகுதல் மற்றும் பொடுகு தொல்லை போன்ற பல்வேறு தலைமுடி பிரச்சனைகளை சந்திக்கலாம். ஆனால், இதற்கு இயற்கையான பல தீர்வுகளும் உள்ளன.

அந்த வகையில், கூந்தல் பராமரிப்பில் ஒன்றுதான் தலை முடியை மோரில் அலசுவது. இது கேட்பதற்கு உங்களுக்கு ஆச்சரியமாக இருக்கலாம். மாறாகவும் கூட தோன்றலாம். ஆனால் உங்களது தலைமுடிக்கு மிகவும் நன்மை பயக்கும். இந்த பதிவில், மோர் கொண்டு தலை முடியை அலசுவதால் கிடைக்கும் நன்மைகள் குறித்து காணலாம்.

மோர் வெண்ணையில் கடைந்த பிறகு கிடைக்கும் திரவமாகும். இதில் புரோட்டின், கொழுப்புகள் லாக்டிக் அமிலம் நிறைந்துள்ளன. மோரைக் கொண்டு தலைமுடியை அலசுவதால் ஏராளமான நன்மைகள் கிடைக்கிறது.

மோரில் இருக்கும் சத்துக்கள் முடியின் வேர்களை பலப்படுத்தி முடி உதிர்வதை தடுக்கும்.

முடி வளர்ச்சியை ஊக்குவிக்கும் :

மோர் ஆரோக்கியமான முடி வளர்ச்சியை ஊக்குவித்து, முடி அடர்த்தியாக வளர உதவும்.

மோரில் உள்ள லாக்டிக் அமிலம் உச்சந்தலையில் இருக்கும் இறந்த செல்களை அகற்றி ஆரோக்கியமான முடி வளர்ச்சியை ஊக்குவிக்கும். மேலும் மோரில் இருக்கும் புரதங்கள் தலைமுடிக்கு தேவையான ஊட்டச்சத்தை அளித்து கூந்தலை வலுவாக மாற்றும்.

முடி வறட்சியை தடுக்கும் :

மோர் முடியை ஈரப்பதமாக வைத்து வறண்டு போகாமல் தடுக்க உதவுகிறது.

மோரில் காணப்படும் லாக்டிக் அமிலம் தலை முடியை மென்மையாகவும் பளபளப்பாகவும் மாற்ற உதவுகிறது.

பொடுகு தொல்லை நீங்கும் :

மோரில் காணப்படும் இயற்கையான அமிலங்கள் பொடுகு மற்றும் உச்சந்தலையில் ஏற்படும் அரிப்பு போன்ற பிரச்சனைகளை நீக்க பெரிதும் உதவுகிறது.

மோரை தலைமுடியின் வேர்கள் வரை படும்படி நன்கு தடவ வேண்டும். பிறகு சுமார் 15 முதல் 20 நிமிடங்கள் ஊற வைத்து, பின் தலைக்கு குளிக்க வேண்டும். வாரம் இரு முறை இந்த முறையை பின்பற்றி வந்தால் கூந்தல் தொடர்பான பிரச்சனைகள் இனி வரவே வராது.