டாப் 10 நடிகைகள் பட்டியலில் பாலிவுட் நடிகைகளை ஓவர்டேக் செய்த கோலிவுட் ஹீரோயின்ஸ்... முழு லிஸ்ட் இதோ

பிரபலமான நடிகைகள் பட்டியலில் தென்னிந்திய நடிகை சமந்தா மீண்டும் முதலிடம் பிடித்துள்ளார். பாலிவுட் நடிகை ஆலியா பட்டை பின்னுக்குத் தள்ளி அவர் முன்னேறியுள்ளார். ஓர்மேக்ஸ் மீடியா இந்த பட்டியலை வெளியிட்டுள்ளது. இது ஆகஸ்ட் மாதத்திற்கான பட்டியல் ஆகும். ஆலியா பட் இரண்டாம் இடத்தைப் பிடித்த நிலையில், தென்னிந்தியாவின் முன்னணி நடிகையான காஜல் அகர்வால் மூன்றாவது இடத்தில் உள்ளார். நான்காவது இடத்திலும் தென்னிந்திய நடிகையான த்ரிஷாவே உள்ளார். பாலிவுட் நடிகை தீபிகா படுகோன் ஐந்தாவது இடத்தைப் பிடித்துள்ளார்.

பலரின் விருப்பமான நடிகை நயன்தாரா தனது நிலையை மேம்படுத்தி ஆறாவது இடத்தைப் பிடித்துள்ளார். இந்தப் பட்டியலில் ஏழாவது இடத்தில் 'நேஷனல் க்ரஷ்' ராஷ்மிகா மந்தனா உள்ளார். இவருக்கு அடுத்த இடத்தில் சாய் பல்லவி உள்ளார். தொடர்ச்சியான வெற்றிப் படங்கள் சாய் பல்லவியை முன்னணிக்குக் கொண்டு வந்துள்ளன. நாடு முழுவதும் கவனம் ஈர்த்த 'அமரன்' திரைப்படத்தில் சாய் பல்லவி கதாநாயகியாக நடித்திருந்தார். இப்படத்தை கமல்ஹாசன் தயாரித்திருந்தார், சிவகார்த்திகேயன் கதாநாயகனாக நடித்திருந்தார். இப்படம் உலகளவில் 300 கோடி வசூலித்தது.

இதைத் தொடர்ந்து, சாய் பல்லவி நடித்த தெலுங்கு படமான 'தண்டேல்' படமும் பெரும் வெற்றி பெற்றது. நாக சைதன்யா நடித்த இப்படம் 100 கோடி கிளப்பில் இணைந்தது. சாய் பல்லவிக்கு அடுத்ததாக, பாலிவுட் நடிகை கியாரா அத்வானி மற்றும் தென்னிந்திய நடிகை ஸ்ரீலீலா ஆகியோர் இடம்பிடித்துள்ளனர் என்று ஓர்மேக்ஸ் மீடியா வெளியிட்டுள்ள ஆகஸ்ட் மாத பட்டியல் தெரிவிக்கிறது. இந்தியாவின் பிரபலமான நடிகைகள் பட்டியலில் முதல் 10 இடங்களில் மூன்று பாலிவுட் நடிகைகள் மட்டுமே இடம்பிடித்துள்ளனர் என்பது குறிப்பிடத்தக்கது.

இந்த பட்டியலில் ஏழு இடங்களை தென்னிந்திய நடிகைகளே ஆக்கிரமித்துள்ளனர். பான்-இந்திய திரைப்படங்கள் மூலம் தென்னிந்திய நடிகைகளுக்கு நாடு முழுவதும் கிடைக்கும் வரவேற்பையே இந்த பட்டியல் காட்டுகிறது. பாலிவுட் நடிகைகள் பெரும்பாலும் தென்னிந்திய சினிமா பக்கம் தலைகாட்டுவதில்லை. அதனால் அவர்களுக்கு தென்னிந்திய ரசிகர்கள் மத்தியில் மவுசு கம்மியாகவே இருக்கிறது. பாலிவுட்டில் இருந்து வந்து ஜான்வி கபூர் மட்டுமே தற்போது தென்னிந்திய சினிமாவில் வளர்ச்சி கண்டுள்ளார் என்பது குறிப்பிடத்தக்கது.