மகளுக்காக நடிகையை ஸ்கெட்ச் போட்டு கடத்திய தயாரிப்பாளர்: திரையுலகில் பரபரப்பு

தயாரிப்பாளர் ஒருவர் தன் மகளுக்காக மனைவியை கடத்தியது தொடர்பாக பேட்டராயனபுரா காவல் நிலையத்தில் புகார் அளிக்கப்பட்டுள்ளது. ஹர்ஷவர்தன் 2023ல் சின்னத்திரை நடிகை சைத்ராவை காதலித்து மணந்தார்.

தம்பதிக்கு ஒரு வயது குழந்தை உள்ளது. தற்போது மகளுக்காக மனைவியை கடத்தியதாக ஹர்ஷவர்தன் மீது குற்றம் சாட்டப்பட்டுள்ளது.

வர்தன் சினிமாஸ் நிறுவனத்தின் தயாரிப்பாளரான ஹர்ஷவர்தன், 'நின்னலேனோ ஹெலபேக்கு' என்ற படத்தை தயாரித்துள்ளார். இதில் ஹர்ஷவர்தன், சைத்ரா இணைந்து நடித்துள்ளனர். மனைவியை கடத்தி, 'உன் மகள் வேண்டுமென்றால் என் மகளைக் கொடு' என மாமியாரை மிரட்டியதாகக் கூறப்படுகிறது.

குழந்தை பிறந்த பிறகு, குடும்பத் தகராறு காரணமாக ஹர்ஷவர்தனும் சைத்ராவும் பிரிந்து வாழ்ந்தனர். மகளைப் பிரிய முடியாமல் மனைவியைக் கடத்தியுள்ளார். திட்டமிட்டு மைசூரில் மனைவியைக் கடத்தி, மாமியாருக்கு போன் செய்து மிரட்டியுள்ளார்.

நண்பர் கௌஷிக் மூலம் மனைவி சைத்ராவை அழைத்து, சீரியல் படப்பிடிப்புக்காக மைசூரு வருமாறு கூறியுள்ளார். முன்பணமாக 20,000 ரூபாய் கொடுக்கப்பட்டது. மைசூரு வந்தபோது மனைவியை கடத்தி மகளை அனுப்புமாறு கோரியுள்ளார். கடத்தல் பற்றி அறிந்த சைத்ராவின் சகோதரி பேட்டராயனபுரா காவல் நிலையத்தில் புகார் அளித்துள்ளார்.

புகாரின் பேரில் எஃப்.ஐ.ஆர் பதிவு செய்த பேட்டராயனபுரா போலீசார், தயாரிப்பாளரை தொடர்பு கொண்டதும் அவர் மனைவியை விடுவித்துள்ளார். தற்போது அனைவரையும் காவல் நிலையத்திற்கு வரவழைத்து போலீசார் விசாரணை நடத்தி வருகின்றனர்.