ஜனநாயகன் ஆடியோ லாஞ்சுக்கு இத்தனை கட்டுப்பாடுகளா? விஜய்க்கு செக் வைத்த மலேசியா அரசு..!
விஜய்யின் ஜனநாயகன் இசை வெளியீட்டு விழா மலேசியாவில் டிசம்பர் 27-ந் தேதி நடைபெற உள்ள நிலையில், அதற்காக அந்நாட்டு அரசு அதிரடி கட்டுப்பாடுகளை விதித்து உள்ளது. அதைப்பற்றி பார்க்கலாம்.
Jana Nayagan Audio Launch
நடிகர் விஜய்யின் கடைசி படமான ஜனநாயகன் வருகிற பொங்கல் பண்டிகைக்கு ரிலீஸ் ஆக உள்ளது. அப்படத்தின் ரிலீசுக்கு இன்னும் சில வாரங்களே உள்ள நிலையில், ஜனநாயகன் திரைப்படத்தின் இசை வெளியீட்டு விழாவை மலேசியாவில் கோலாகலமாக நடத்த திட்டமிட்டு அதற்கான ஏற்பாடுகள் முழுவீச்சில் நடைபெற்று வருகின்றன. இந்த இசை வெளியீட்டு விழாவை தளபதி திருவிழா என்கிற பெயரில் ஒரு மியூசிக் கான்சர்ட் ஆக நடத்த உள்ளனர். இதில் விஜய்யின் திரைப்பயணத்தில் இடம்பெற்ற முக்கியமான பாடல்களை பாட 30க்கும் மேற்பட்ட பாடகர்கள் வந்துள்ளனர்.
ஜனநாயகன் இசை வெளியீட்டு விழா
அதுமட்டுமின்றி நடிகர் விஜய் நடித்த பீஸ்ட் திரைப்படத்தை இயக்கிய இயக்குநர் நெல்சன் இந்த விழாவில் சிறப்பு விருந்தினராக கலந்துகொள்ள உள்ளார். அட்லீ, லோகேஷ் கனகராஜ் ஆகியோரும் பங்கேற்க வாய்ப்பு உள்ளது. இதுதவிர மேலும் பல சர்பிரைஸும் இந்த ஆடியோ லாஞ்சில் காத்திருப்பதாக கூறப்படுகிறது. மலேசியாவில் உள்ள ஜலீல் என்கிற மைதானத்தில் தான் இந்த ஆடியோ லாஞ்ச் நடைபெற உள்ளது. சுமார் 80 ஆயிரம் பேர் அமர்ந்து பார்க்கும் அளவுக்கு பிரம்மாண்ட மைதானத்தில் தான் ஜனநாயகன் இசை வெளியீட்டு விழா நடைபெற இருக்கிறது.
விஜய்க்கு செக்
இதனிடையே இந்த ஆடியோ லாஞ்சில் நடிகர் விஜய் அரசியல் பேசக் கூடாது என்று கட்டுப்பாடு விதிக்கப்பட்டு இருப்பதாக சில தினங்களுக்கு முன் தகவல் வெளியானது. வழக்கமாக விஜய் தன்னுடைய படங்களின் இசை வெளியீட்டு விழாக்களில் குட்டி ஸ்டோரி ஒன்றை சொல்லி அதில் அரசியலும் பேசுவார். ஆனால் ஜனநாயகன் ஆடியோ லாஞ்சில் அவர் அரசியல் பேச துளி அளவும் வாய்ப்பு இல்லை என்றே கூறப்படுகிறது. இதுமட்டுமின்றி மேலும் சில கட்டுப்பாடுகளை மலேசிய அரசு விதித்திருக்கிறது. அதைப்பற்றி விரிவாக பார்க்கலாம்.
என்னென்ன கட்டுப்பாடுகள்?
* மலேசியாவில் டிச.27ல் நடைபெறும் தளபதி திருவிழாவுக்கு 5 வயதுக்கு குறைவான குழந்தைகளுக்கு அனுமதி கிடையாது.
* ஒருமுறை மைதானத்திலிருந்து வெளியில் சென்றுவிட்டால் மீண்டும் உள்ளே செல்ல அனுமதி கிடையாது.
* உணவுப்பொருட்கள், ஆல்கஹால், கேமரா, டிரோன் கேமரா உள்ளிட்ட பொருட்களுக்கு அனுமதி கிடையாது.
* அரசியல் தொடர்புடைய எந்த பொருளுக்கும் மைதானத்தின் உள்ளே அனுமதி கிடையாது.
* விஜயின் தவெக கட்சி தொடர்புடைய டி ஷர்ட், கொடி, பேட்ஜ், போஸ்டர், குடை உள்ளிட்ட எந்த பொருளையும் கொண்டு செல்ல அனுமதியில்லை.
* தவெக கட்சி கொடி நிறங்களான சிவப்பு மற்றும் மஞ்சளை வெளிப்படையாக பிரதிபலிக்கும் எந்த பொருளுக்கும் அனுமதியில்லை.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
