Ethirneechal Thodargirathu: நடிகை கனிகாவின் அடுத்த அதிரடி மூவ்! எதிர்நீச்சல்' ரசிகர்களுக்கு பேரதிர்ச்சி..

சின்னத்திரையில் மிகப்பெரிய வரவேற்பைப் பெற்ற 'எதிர்நீச்சல்' சீரியலின் இரண்டாம் பாகம் விறுவிறுப்பாக நகர்ந்து வருகிறது. இதில் 'ஈஸ்வரி' என்ற அழுத்தமான கதாபாத்திரத்தில் நடித்து வந்த நடிகை கனிகா, தற்போது சீரியலில் இருந்து அதிகாரப்பூர்வமாக விலகியுள்ள தகவல் ரசிகர்களிடையே அதிர்ச்சியை ஏற்படுத்தியுள்ளது.

சீரியல் கதையின்படி, ஆதி குணசேகரன் ஈஸ்வரியை தாக்கியதால் அவர் பலத்த காயமடைந்து மருத்துவமனையில் அனுமதிக்கப்பட்டிருப்பது போல காட்சிகள் வைக்கப்பட்டிருந்தன. ஈஸ்வரி மீண்டும் குணமடைந்து வருவார் என ரசிகர்கள் எதிர்பார்த்து காத்திருந்த வேளையில், கனிகா இந்தத் தொடரில் இருந்து முழுமையாக வெளியேறிவிட்டதாகத் தகவல்கள் வெளியாகின.

ஈஸ்வரி கதாபாத்திரத்திற்குப் பதிலாக வேறொரு நடிகை ஒப்பந்தம் செய்யப்படலாம் அல்லது அந்தக் கதாபாத்திரம் முடிவுக்கு வரலாம் எனப் பேசப்பட்டு வந்தது. இந்நிலையில், கனிகா தற்போது புதிய திரைப்படம் ஒன்றில் நடிக்க ஒப்பந்தமாகி, அதன் படப்பிடிப்புகளில் பிஸியாக இருப்பதாகக் கூறப்படுகிறது.

இதன் மூலம் அவர் மீண்டும் 'எதிர்நீச்சல்' தொடருக்குத் திரும்பப்போவதில்லை என்பது கிட்டத்தட்ட உறுதியாகியுள்ளது. வெள்ளித்திரையில் மீண்டும் தனது கவனத்தைச் செலுத்தத் தொடங்கியுள்ள கனிகாவுக்கு ரசிகர்கள் வாழ்த்துகளைத் தெரிவித்து வருகின்றனர்.

ஈஸ்வரி கதாபாத்திரத்தை ஈடு செய்யப்போகும் அந்தப் புதிய நடிகை யார் என்பது குறித்த அதிகாரப்பூர்வ அறிவிப்பை ரசிகர்கள் ஆவலோடு எதிர்பார்த்து காத்திருக்கின்றனர்.