ரொம்ப கம்மியான வட்டியில் குழுக்கடன் ரூ.25 லட்சம்.! மகளிர் சுய உதவிக்குழுவிற்கு கொண்டாட்டம்- உடனே விண்ணப்பிங்க

ஏழை எளிய மக்களுக்கு உதவிடும் வகையில் பல்வேறு திட்டங்களை தமிழக அரசு செயல்படுத்தி வருகிறது. அதிலும் மகளிர் முன்னேற்றத்திற்காக பல்வேறு நிதி உதவி திட்டங்களும் நடைமுறையில் உள்ளது. எனவே மகளிர் சுய உதவிக்குழு மூலம் பெண்கள் தங்களை முன்னேற்றிக்கொள்ள கடன் உதவி வழங்கப்படுகிறது.

இதன் படி சரியான முறையில் வாங்கிய கடனை திரும்ப செலுத்துபவர்களுக்கு மீண்டும் கடன் உதவி, மானிய உதவி, கடன் தள்ளுபடி திட்டமும் செயல்படுத்தப்படுகிறது. இந்த நிலையில் தனி நபர் கடன் உதவி திட்டம், குழு கடன் திட்டம் போன்றவை செயல்படுத்தப்படுகிறது. தற்போது 25 லட்சம் ரூபாய் கடன் வழங்கிடும் வகையில் குழு கடன் திட்டத்தில் விண்ணப்பிக்க அழைப்பு விடுக்கப்பட்டுள்ளது.

தமிழக அரசின் பிற்படுத்தப்பட்டோர், மிகப்பிற்படுத்தப்பட்டோர் மற்றும் சிறுபான்மையினர் நலத்துறை சார்பில் தமிழ்நாடு பிற்படுத்தப்பட்டோர் பொருளாதார மேம்பாட்டுக் கழகம் லிமிடெட் - (TABCEDCO) 25 லட்சம் ரூபாய் வரை குழுக்கடன் திட்டத்தை செயல்படுத்துகிறது. 

இந்த கடன் உதவியானது சுய உதவிக்குழுவில் உறுப்பினராக உள்ள மகளிர் மற்றும் ஆடவர் குழுவாக சிறு தொழில் மற்றும் வணிகம் செய்வதற்கு குழுக்கடன் வழங்கப்படுகிறது. இதில் குழு உறுப்பினர்கள் ஒருவருக்கு அதிகப்பட்சமாக ரூ. 1,25 லட்சம் வழங்கப்படுகிறது.

குழுக்கடன் திட்டத்தில் ஆண்டு வட்டி விகிதம் 7 சதவீதம் எனவும், கடனை திரும்ப செலுத்தும் காலம் 3 ஆண்டுகள் என நிர்ணயிக்கப்பட்டுள்ளது. ஒரு குழுவில் அதிகபட்சம் 20 உறுப்பினர்கள் மட்டும் இடம்பெற வேண்டும் எனவும் அந்த அறிவிப்பில் கூறப்பட்டுள்ளது. கடன் உதவி பெற குழு துவங்கி 6 மாதங்கள் பூர்த்தியாகி இருத்தல் வேண்டும் என தெரிவிக்கப்பட்டுள்ளது.

பிற்படுத்தப்பட்டோர் / மிகப்பிற்படுத்தப்பட்டோர் / சீர்மரபினர் ஆண்டு வருமானம் ரூ. 3 லட்சத்திற்குள்.

வயது: 18-60 வரை

குடும்பத்தில் ஒருவருக்கு மட்டும்.

விண்ணப்பிக்கும் முறை :

அனைத்து மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் அலுவலகங்கள்.

www.tabcedco.tn.gov.in.

கூட்டுறவு சங்கங்களின் மண்டல இணைப்பதிவாளர் அலுவலகங்கள்.

மாவட்ட / மத்திய / நகர கூட்டுறவு வங்கிகள் / கூட்டுறவு கடன் சங்கங்கள்.

ஆகிய இடங்களில் விண்ணப்பிக்க வேண்டும்.

சாதி, வருமானம் மற்றும் பிறப்பிடச் சான்றிதழ். குடும்ப அட்டை, ஓட்டுநர் உரிமம், ஆதார் அட்டை