Meta Layoffs: ஒரே நேரத்தில் மீண்டும் 1000 பணியாளர்களை பணி நீக்கம் செய்யும் மார்க்

ப்ளூம்பெர்க் அறிக்கையின்படி, இந்த ஆட்குறைப்பு நிறுவனத்தின் ஹார்டுவேர் மற்றும் மெட்டாவெர்ஸ் திட்டங்களில் உள்ள சுமார் 10% ஊழியர்களை பாதிக்கும். VR கேமிங் மற்றும் விர்ச்சுவல் சோஷியல் நெட்வொர்க் திட்டங்களில் அதிக பாதிப்பு ஏற்பட்டுள்ளது.

ரியாலிட்டி லேப்ஸ் குழுவுடன் மெட்டாவின் CTO ஆண்ட்ரூ போஸ்வொர்த் ஒரு கூட்டத்தை நடத்த உள்ளார். அதில் எதிர்கால உத்திகள் குறித்து ஊழியர்களுக்கு விளக்கப்படும் என தகவல்கள் தெரிவிக்கின்றன.

மெட்டாவின் VR திட்டங்கள் எதிர்பார்த்த செயல்திறனை அளிக்காததால் இந்த நடவடிக்கை எடுக்கப்பட்டுள்ளது. 2020 முதல் இந்த பிரிவு 70 பில்லியன் டாலருக்கும் மேல் நஷ்டத்தை சந்தித்துள்ளது.

செயற்கை நுண்ணறிவு (AI) மற்றும் AI-ஆதரவு அணியக்கூடிய சாதனங்களில் மெட்டா தனது கவனத்தை அதிகரிக்கும். VR-ல் இருந்து சேமிக்கப்படும் பட்ஜெட் ஸ்மார்ட் கண்ணாடிகள் மற்றும் பிற தொழில்நுட்பங்களில் முதலீடு செய்யப்படும்.

ரியாலிட்டி லேப்ஸ் பட்ஜெட்டில் மாற்றம் செய்யப்போவதாக மெட்டா டிசம்பரிலேயே குறிப்பு கொடுத்திருந்தது. VR-ஐ விட AI மற்றும் அணியக்கூடிய சாதனங்களுக்கு அதிக முன்னுரிமை அளிக்கப்படும் என அப்போது கூறப்பட்டது.