அரசு அதிகாரிகளுக்கு செம சான்ஸ்! சிபிஎஸ்இ-யில் கைநிறைய சம்பளத்தில் வேலை.. உடனே அப்ளை பண்ணுங்க!

மத்திய இடைநிலைக் கல்வி வாரியம் (CBSE), பல்வேறு உயர் பதவிகளை அயற்பணி (Deputation) அடிப்படையில் நிரப்புவதற்கான ஆன்லைன் விண்ணப்பங்களை வரவேற்கிறது. தகுதியுள்ள அரசு அதிகாரிகள் மற்றும் பொதுத்துறை நிறுவன ஊழியர்கள் இந்தப் பணியிடங்களுக்கு விண்ணப்பிக்கலாம்.

1. சீனியர் கணக்கு அதிகாரி (Senior Accounts Officer)

2. உதவிச் செயலாளர் (Under Secretary)

3. கூடுதல் உள் தணிக்கையாளர் மற்றும் நிதி ஆலோசகர் (Additional Internal Auditor and Financial Advisor)

• பணி அனுபவம்: மத்திய/மாநில அரசு, யூனியன் பிரதேசங்கள், பொதுத்துறை நிறுவனங்கள் அல்லது தன்னாட்சி அமைப்புகளில் தணிக்கை, கணக்கு அல்லது நிதிப் பிரிவில் பணிபுரியும் அதிகாரிகள் விண்ணப்பிக்கலாம்.

• சேவைக்காலம்: 7-வது ஊதியக் குழுவின் நிலை 9 அல்லது 10-ல் 4 ஆண்டுகள் முறையான சேவை அல்லது நிலை 7 அல்லது 8-ல் 8 ஆண்டுகள் முறையான சேவை பெற்றிருக்க வேண்டும்.

• முன்னுரிமை: கணக்கு தொகுப்பு (Accounts compilation), பட்ஜெட், உள் தணிக்கை மற்றும் வணிக கணக்கியலில் அனுபவம் உள்ளவர்களுக்கு முன்னுரிமை அளிக்கப்படும். குறிப்பாக முதலீடுகள் மற்றும் நிதி மேலாண்மையில் அனுபவம் உள்ளவர்களுக்குக் கூடுதல் முக்கியத்துவம் தரப்படும்.

• வயது வரம்பு: விண்ணப்பதாரர்களின் அதிகபட்ச வயது 56-க்குள் இருக்க வேண்டும்.

• ஊதியம்: சீனியர் கணக்கு அதிகாரி பதவிக்கு 7-வது ஊதியக் குழுவின் நிலை 11 (ரூ. 67,700 - 2,08,700) என்ற அளவில் ஊதியம் வழங்கப்படும்.

ஆன்லைன் மூலம் விண்ணப்பிக்கக் கடைசித் தேதி: பிப்ரவரி 13, 2026.

விண்ணப்பிக்க விரும்புவோர் சிபிஎஸ்இ-யின் அதிகாரப்பூர்வ இணையதளமான www.cbse.gov.in-க்குச் சென்று விரிவான தகவல்களைப் பெற்று விண்ணப்பிக்கலாம்.