வேலைக்கே செல்லாமல் மாதம் ரூ.20000 வருமானம் வேண்டுமா? ஓய்வுக்குப் பின் ஜாலியாக வாழ சூப்பர் திட்டம்.!

மூத்த குடிமக்கள் சேமிப்புத் திட்டம் (SCSS) என்பது முதியோருக்கான ஒரு சிறு சேமிப்புத் திட்டமாகும். இதில் சேர சில தகுதிகள் உள்ளன. அவை:

• 60 வயது பூர்த்தியடைந்தவர்கள்.
• 55-60 வயதுக்குள் VRS பெற்ற அரசு ஊழியர்கள்.
• 50-60 வயதுக்குட்பட்ட ஓய்வுபெற்ற பாதுகாப்புப் படையினர்.
• தனிநபர் அல்லது கணவன்-மனைவி கூட்டுக் கணக்கைத் தொடங்கலாம்.

தற்போது இத்திட்டத்தின் ஆண்டு வட்டி விகிதம் 8.2%. வட்டி காலாண்டுக்கு ஒருமுறை வழங்கப்படும். குறைந்தபட்ச முதலீடு ரூ.1,000. அதிகபட்சம் ரூ.30 லட்சம் முதலீடு செய்தால், மாதம் சுமார் ரூ.20,500 வருமானம் பெறலாம். இது வங்கி வைப்பு நிதிகளை விட அதிகம். டெபாசிட் செய்யக்கூடிய அதிகபட்ச தொகை ரூ.30 லட்சம். முதிர்வு காலம் 5 ஆண்டுகள். தேவைப்பட்டால் மேலும் 3 ஆண்டுகள் வரை நீட்டிக்கலாம்.

இத்திட்டத்தில் முதலீடு செய்யப்படும் தொகைக்கு வருமான வரிச் சட்டம் பிரிவு 80C-யின் கீழ் ரூ.1.5 லட்சம் வரை வரி விலக்கு உண்டு. ஆனால், வட்டி வருமானத்திற்கு வரி விதிக்கப்படும். குறிப்பிட்ட வரம்பைத் தாண்டினால் TDS பிடிக்கப்படும். எனவே, வரி திட்டமிடல் அவசியம்.

அருகிலுள்ள தபால் நிலையத்தில் SCSS கணக்கைத் திறக்கலாம். தேவையான ஆவணங்கள்: ஆதார், பான், வயதுச் சான்று, ஓய்வூதியச் சான்றிதழ். 1 ஆண்டுக்குள் கணக்கை மூடினால் வட்டி இல்லை. 1-2 ஆண்டுகளில் 1.5% மற்றும் 2-5 ஆண்டுகளில் 1% அபராதம் விதிக்கப்படும்.

மொத்தத்தில், ரிஸ்க் இல்லாமல் நிலையான வருமானம் விரும்பும் முதியவர்களுக்கு SCSS ஒரு சிறந்த வழி. அரசு பாதுகாப்பு, கவர்ச்சிகரமான வட்டி மற்றும் வரிச் சலுகைகள் இத்திட்டத்தை நம்பகமான தேர்வாக மாற்றுகின்றன. மாதச் செலவுகளுக்கு ஏற்ற வருமானம் கிடைக்கும். எனவே 60 வயது பூர்த்தியானவர்கள் உங்கள் அருகிலுள்ள தபால் நிலையம் அல்லது வங்கிக் கிளையை அணுகி இப்போதே சேமிப்பை தொடங்குங்கள்.