உங்களிடம் ரூ.500 நோட்டு இருக்கா.? ரிசர்வ் வங்கி எச்சரிக்கை.!

இந்தியாவின் மிகப்பெரிய ரூபாய் நோட்டு ரூ.500. ரூ.2000 நோட்டுகள் வாபஸ் பெறப்பட்டதால், கள்ள நோட்டுகள் சந்தையில் அதிகரித்துள்ளன. இதுகுறித்து மத்திய நிதி அமைச்சகம் அதிர்ச்சித் தகவலை வெளியிட்டுள்ளது. மத்திய நிதி அமைச்சகத்தின் தரவுகளின்படி, நாட்டில் தற்போது 1,77,722 போலி ரூ.500 நோட்டுகள் புழக்கத்தில் உள்ளன.

ஒவ்வொரு ஆண்டும் கள்ள நோட்டுகளின் எண்ணிக்கை அதிகரித்து வருவதாகவும் அரசு கண்டறிந்துள்ளது. ரூ.2000 நோட்டுகள் வாபஸ் பெறப்பட்டதிலிருந்து, ரூ.500 கள்ள நோட்டுகளின் புழக்கம் அதிகரித்துள்ளது. கள்ள நோட்டு கும்பல் ரூ.2000 நோட்டுகளை விட்டுவிட்டு, ரூ.500 நோட்டுகளில் கவனம் செலுத்துகின்றனர்.

ரூ.500 நோட்டுகள் மட்டுமல்ல, ரூ.100, ரூ.200 நோட்டுகளும் போலியாக தயாரிக்கப்படுகின்றன. தரவுகளின்படி, 51,069 போலி ரூ.100 நோட்டுகளும், 32,660 போலி ரூ.200 நோட்டுகளும் புழக்கத்தில் உள்ளன.

கள்ள நோட்டு புழக்கத்தைத் தடுக்க ரிசர்வ் வங்கி தொடர்ந்து முயற்சித்து வருகிறது. புதிய பாதுகாப்பு அம்சங்களுடன் நோட்டுகள் அறிமுகப்படுத்தப்பட்டாலும், கள்ள நோட்டுகள் சந்தையில் வெளியிடப்படுகின்றன.