- Home
- டெக்னாலஜி
- 12.1 இன்ச் திரை, 10,200mAh பேட்டரி… எல்லாம் ஒரே டேப்லெட்டில்! Lenovo Idea Tab Plus விலை?
12.1 இன்ச் திரை, 10,200mAh பேட்டரி… எல்லாம் ஒரே டேப்லெட்டில்! Lenovo Idea Tab Plus விலை?
லெனோவா நிறுவனம் தனது புதிய பிரீமியம் டேப்லெட்டான லெனோவா ஐடியா டேப் பிளஸ்-ஐ இந்தியாவில் அறிமுகப்படுத்தியுள்ளது. இந்த டேப்லெட் 12.1 இன்ச் பெரிய டிஸ்ப்ளே, 10,200mAh சக்திவாய்ந்த பேட்டரி உடன் வருகிறது.
லெனோவா ஐடியா டேப் பிளஸ்
லெனோவோ நிறுவனம் தனது புதிய பிரீமியம் டேப்லெட்டான லெனோவா ஐடியா டேப் பிளஸ் (Lenovo Idea Tab Plus)-ஐ இந்தியாவில் அறிமுகம் செய்துள்ளது. ஆகஸ்ட் மாதத்தில் வெளியான Lenovo Idea Tab மாதலின் மேம்பட்ட பதிப்பாக இது சந்தையில் வந்துள்ளது. பெரிய டிஸ்ப்ளே, சக்திவாய்ந்த பேட்டரி மற்றும் புதிய தலைமுறை பிராசசர் ஆகியவற்றுடன் இந்த டேப்லெட் உள்ளது. உலக சந்தையில் செப்டம்பர் மாதமே அறிமுகமான இந்த மாடல், தற்போது இந்திய பயனர்களுக்கும் கிடைக்கிறது.
12.1 இன்ச் டேப்லெட்
லெனோவா ஐடியா டேப் பிளஸ் விலை இந்தியாவில் ரூ.27,999 முதல் தொடங்குகிறது. இந்த விலையில் 8GB RAM + 256GB ஸ்டோரேஜ் கொண்ட Wi-Fi மற்றும் 5G வேரியண்ட்கள் வழங்கப்படுகின்றன. 12ஜிபி ரேம் + 256ஜிபி ஸ்டோரேஜ் கொண்ட வைஃபை வேரியண்ட் ரூ.30,999 என்ற விலையில் கிடைக்கிறது. அனைத்து வேரியண்ட்களுடனும் Tab Pen stylus பாக்ஸிலேயே வழங்கப்படுகிறது. இந்த டேப்லெட் தற்போது முன்பதிவிற்கு திறக்கப்பட்டு, டிசம்பர் 22 முதல் Lenovo இணையதளம் மற்றும் Amazon வழியாக விற்பனைக்கு வரும். ஒரே Luna Grey நிறத்தில் மட்டுமே இது கிடைக்கிறது.
10,200mAh பேட்டரி
ஸ்பெசிபிகேஷன்களைப் பார்த்தால், Lenovo Idea Tab Plus-ல் 12.1 இன்ச் LCD டிஸ்ப்ளே, 2.5K ரெசல்யூஷன் மற்றும் 90Hz ரிஃப்ரெஷ் ரேட் வழங்கப்பட்டுள்ளது. 800 நிட்ஸ் பீக் பிரைட்னஸ் காரணமாக வெளிச்சத்திலும் திரை தெளிவாக இருக்கும். இதன் உள்ளே MediaTek Dimensity 6400 ப்ராசஸர், அதிகபட்சம் 12GB RAM மற்றும் 256GB ஸ்டோரேஜ் உள்ளது. இந்த டேப்லெட் Android 15 உடன் வருகிறது.
லெனோவா பிரீமியம் டேப்லெட்
கேமரா பகுதியில், பின்புறம் 13MP கேமரா, முன்புறம் 8MP செல்ஃபி கேமரா வழங்கப்பட்டுள்ளது. கனெக்டிவிட்டிக்காக Wi-Fi 802.11 a/b/g/n/ac, 5G (LTE மாடலில்) மற்றும் Bluetooth 5.2 ஆதரவு உள்ளது. 10,200mAh பேட்டரி மற்றும் 45W ஃபாஸ்ட் சார்ஜிங் இந்த டேப்லெட்டின் முக்கிய பலமாகும். 540 கிராம் எடையுடன் வரும் இந்த டேப்லெட்டில் Lenovo NotePad, Circle to Search, Gemini போன்ற ஸ்மார்ட் அம்சங்களும் இடம்பெற்றுள்ளன.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
