நவம்பர் மாதத்தில் வங்கிகள் 10 நாட்கள் மூடப்படும் – முழு விவரம் இதோ!

அக்டோபர் மாதத்தில் அதிக வங்கி விடுமுறைகள் நவம்பரில் இல்லை. இருப்பினும், இரண்டாவது மற்றும் நான்காவது சனிக்கிழமைகளுடன் ஞாயிற்றுக்கிழமைகளையும் சேர்த்தால் மொத்தம் 9 முதல் 10 நாட்கள் வரை வங்கிகள் மூடப்படும். நவம்பர் 5 ஆம் தேதி நாடு முழுவதும் குருநானக் ஜெயந்தி மற்றும் கார்த்திகை பவுர்ணமி காரணமாக வங்கி விடுமுறை அறிவிக்கப்பட்டுள்ளது. இதைத் தவிர, சில மாநிலங்களில் உள்ளூர் பண்டிகைகள் காரணமாக வங்கிகள் மூடப்படும்.

நவம்பர் மாதத்தில் பெரிய பண்டிகைகள் இல்லாதபோதிலும், சில முக்கிய நாட்களில் வங்கிகள் இயங்காது. உதாரணமாக, நவம்பர் 1 அன்று பெங்களூருவில் கன்னட மாநில தினம், தெஹ்ராடூனில் Igas-Baghwal கொண்டாட்டம் காரணமாக வங்கிகள் மூடப்படும். நவம்பர் 2 ஞாயிறு என்பதால், அந்த நாளும் விடுமுறை. நவம்பர் 5 அன்று நாடு முழுவதும் குருநானக் ஜெயந்தி மற்றும் கார்த்திகை பவுர்ணமி கொண்டாட்டம் நடைபெறும். நவம்பர் 7 அன்று ஷில்லாங் பகுதியில் வாங்கலா திருவிழா காரணமாக வங்கிகள் மூடப்படும்.

மேலும், நவம்பர் 8 அன்று இரண்டாவது சனிக்கிழமை என்பதால் நாடு முழுவதும் வங்கிகள் மூடப்படும். இதே நாளில் பெங்களூருவில் கனகதாச ஜெயந்தி காரணமாகவும் விடுமுறை இருக்கும். தொடர்ந்து, நவம்பர் 9, 16, 23, மற்றும் 30 ஆகிய தேதிகளில் ஞாயிற்றுக்கிழமை என்பதால் வங்கிகள் இயங்காது. நவம்பர் 22 ஆம் தேதி நான்காவது சனிக்கிழமை என்பதால் நாடு முழுவதும் வங்கிகள் மூடப்படும். மொத்தத்தில், நவம்பர் மாதம் முழுவதும் 10 நாட்கள் வரை வங்கிகள் மூடப்பட்டிருக்கலாம்.

எனவே, வங்கியில் நேரடியாகச் செய்ய வேண்டிய பணிகளை இந்த விடுமுறை தேதிகளுக்கு முன்பாக ஒரு அல்லது இரண்டு நாட்களுக்கு முன்பே முடித்து வைப்பது சிறந்தது. ஆன்லைன் சேவைகளை பயன்படுத்தி உங்கள் பரிவர்த்தனைகளை சிரமமின்றி செய்யலாம். நவம்பர் மாத வங்கி விடுமுறைகள் குறித்து முன்கூட்டியே தெரிந்திருப்பது, உங்கள் நிதி திட்டமிடலுக்கு உதவியாக இருக்கும்.