வரிசையில் நிற்க தேவையில்லை.. ஆதார் அட்டையை மொபைலில் அப்டேட் செய்யலாம்

இந்தியக் குடிமக்களின் அடையாளச் சான்றாக ஆதார் அட்டை மிகவும் முக்கியமானது. பிறப்பு முதல் இறப்பு வரை, பள்ளி சேர்க்கை முதல் வேலை வரை என அனைத்திற்கும் இந்த அட்டை தேவை. தற்போது ஆதார் அட்டையை ஆன்லைனில் புதுப்பிக்கலாம். இனி நீண்ட வரிசையில் நிற்க வேண்டியதில்லை.

ஆதார் அட்டையில் முகவரியை மொபைல் ஃபோனிலேயே புதுப்பிக்கலாம். அதற்கான வழிமுறைகள் இங்கே பார்க்கலாம். myAadhaar போர்ட்டலில் உள்நுழையவும்: https://myaadhaar.uidai.gov.in/ என்ற இணையதளத்திற்குச் சென்று உங்கள் ஆதார் எண் மற்றும் கேப்சா குறியீட்டை உள்ளிட்டு உள்நுழையவும்.

உங்கள் பதிவு செய்யப்பட்ட மொபைல் எண்ணுக்கு வரும் ஓடிபி-யை உள்ளிட்டு உள்நுழைவை உறுதிப்படுத்தவும். டேஷ்போர்டில் இருந்து ‘முகவரி புதுப்பிப்பு’ விருப்பத்தைத் தேர்ந்தெடுக்கவும்.

செல்லுபடியாகும் முகவரிச் சான்றிதழை (பாஸ்போர்ட், வாக்காளர் அடையாள அட்டை, ரேஷன் கார்டு போன்றவை) ஸ்கேன் செய்து பதிவேற்றவும். இந்தச் சேவைக்கு ரூ.50 கட்டணம் செலுத்த வேண்டும். இதை ஆன்லைனில் செலுத்தலாம்.

புதுப்பிப்பு கோரிக்கைக்கான சேவை கோரிக்கை எண்ணை (SRN) பெறுவீர்கள், இதை எதிர்காலத்தில் கண்காணிக்க சேமித்து வைக்கவும். 30 நாட்களுக்குள் ஆதார் அட்டை அப்டேட் செய்யப்படும். நீங்கள் ஆன்லைனில் புதுப்பிக்க முடியாவிட்டால், அருகிலுள்ள ஆதார் பதிவு மையத்திற்குச் சென்று ஆதார் அட்டையின் முகவரியை மாற்றலாம்.