பைக் அடிக்கடி ரிப்பேர் ஆகுதா.? பராமரிப்பு செலவை குறைக்க இதோ அசத்தலான வழிகள்!

பைக் இன்று ஒவ்வொரு குடும்பத்திலும் நம்பிக்கையுடன் பயன்படுத்தப்படும் முக்கிய போக்குவரத்து சாதனம். ஆனால், இதன் பராமரிப்பு செலவு சிலருக்கு மிகப்பெரிய சுமையாகிவிடுகிறது. நிதானமாக திட்டமிட்டு சில பழக்கங்களை வளர்த்தால் இந்த செலவுகளை கணிசமாக குறைக்கலாம்.

பைக்கின் சதை சக்தி இஞ்ஜினில்தான் உள்ளது. இதன் ஆயுளை நீடிக்க, மாதந்தோறும் இஞ்ஜின் ஆயிலை சரிபார்க்கவும். காலாவதி ஆன எண்ணெய் இஞ்ஜினில் அதிக சூட்டை உண்டாக்கி, முழுக்க பழுது ஏற்படவைக்கும். பைக் கையேட்டில் குறிப்பிடப்பட்ட எண்ணெய் தரத்தை மட்டும் பயன்படுத்தவும்.

சரியான காற்று அழுத்தம் இல்லாமல் பைக் ஓட்டினால் டயர்கள் பழுதாக அதிக பெட்ரோல் செலவு ஏற்படும். வாரத்துக்கு ஒருமுறை காற்று அழுத்தத்தை செக் செய்து பராமரிக்கவும்.

பைக்கை வெளியில் நிறுத்தும் போது வாட்டர் பிரூஃப் கவர் பயன்படுத்துவது அவசியம். மழைநீர் மற்றும் தூசி பைக்கின் உள் பாகங்களை கெடுக்கின்றன. இதில் இருந்து பாதுகாக்கும் பழக்கம் பல ஆயிரம் ரூபாய் செலவை விலக்க உதவும்.

பைக் ஓட்டும் போது அதிக வேகமும், இடை இடையே திடீர் பிரேக்கும் சாதனங்களை பழுது் படுத்தும். மெதுவாக ஓட்டி னால் அது பைக்கின் ஆயுளை நீட்டிக்கும்.

ஓட்டும் போது சிறிய சத்தம், ஒலிகள் வந்தால் உடனே சர்வீசில் காட்டுங்கள். சில்லறை பழுதுகளை ஆரம்பத்திலேயே சீர்செய்தால், பின் பெரிய பிரச்சினைகளுக்காக பெரும் பணத்தை செலவிட வேண்டிய சூழல் வராது. ஆண்டுக்கு இரண்டு முறையாவது முழு சர்வீசிங் செய்து கொள்ளுங்கள்.

தரமில்லாத பெட்ரோல் மற்றும் duplicate spare parts பயன்பாடு இஞ்ஜினின் திறனை மிகுந்த அளவில் பாதிக்கும். அனுமதி பெற்ற பெட்ரோல் பம்பில் மட்டுமே நிரப்பவும். அத்தியாவசியமாக, Original உதிரிப்பாகங்களை மட்டுமே போட்டுக்கொள்ளுங்கள்.

ஒவ்வொரு மாதமும் எவ்வளவு எண்ணெய், பெட்ரோல், சர்வீஸ் செலவாகின்றது என்பதை ஒரு புக் அல்லது App-ல் பதிவு செய்து வையுங்கள். இதில் அனேக செலவுகள் தேவையில்லாதவை என்று அறிந்து கட்டுப்படுத்த முடியும். இந்த எளிய வழிகளை பின்பற்றினால் உங்கள் பைக் நீண்ட நாட்கள் பிரச்சனை இல்லாமல் ஓடிப் பெரும் பராமரிப்பு செலவுகளை தவிர்த்துக் கொள்ளலாம்.