Gold Rate Today (ஜனவரி 19): பொங்கல் முடிந்த கையோடு தங்கம் வெள்ளி கொடுத்த பேரதிர்ச்சி.. உயர்வுக்கு இதுதான் காரணமா?

கடந்த சில மாதங்களாக தொடர்ந்து உயர்ந்து வந்து புதிய உச்சத்தை எட்டியுள்ள தங்கம் விலை தற்போது ஒரு லட்சத்தை தாண்டி விற்பனை செய்யப்பட்டு வருகிறது. இந்நிலையில் மார்கழி மாதம் முடிந்து தை மாதம் தொடங்கியுள்ளது. அதாவது தை பிறந்தாள் வழி பிறக்கும் என்பார்கள் பொங்கல் முடிந்ததும் தங்கத்தின் விலை குறையும் என எதிர்பார்த்து காத்திருந்த பொதுமக்களுக்கு இன்று பெரிய அதிர்ச்சி காத்திருந்தது. அதாவது ஆபரணத் தங்கம் விலை சவரனுக்கு ரூ.1360 திடீரென உயர்ந்துள்ளது.

இன்றைய நிலவரப்படி, சென்னையில் ஆபரணத் தங்கம் ஒரு கிராமுக்கு ரூ.170 உயர்ந்து, ரூ.13,450 என்ற விலையில் விற்பனை செய்யப்படுகிறது. இதன் அடிப்படையில், ஒரு சவரன் தங்கத்தின் விலை ரூ.1360 உயர்ந்து, ரூ.1,07,600 ஆக நிர்ணயிக்கப்பட்டுள்ளது. கடந்த சில நாட்களாக தங்கம் விலை ஜெட் வேகத்தில் உயர்ந்து வருவது குறிப்பிடத்தக்கது.

மார்கழி மாதம் முடிந்து தை மாதம் திருமண சீசன் தொடங்கியுள்ளதால், நகைகளுக்கான தேவை அதிகரித்திருப்பதும் தங்க விலை உயர்வுக்கு முக்கிய காரணமாக கூறப்படுகிறது. இதற்கு கூடுதலாக, சர்வதேச சந்தையில் தங்கத்தின் விலை உயர்வடைந்ததும், அமெரிக்க டாலரின் மதிப்பில் ஏற்படும் மாற்றங்களும் இந்திய சந்தையில் தங்க விலையை நேரடியாக பாதித்துள்ளன. பாதுகாப்பான முதலீடாக தங்கத்தை பார்க்கும் முதலீட்டாளர்களின் ஆர்வமும் விலை உயர்வுக்கு முக்கிய காரணம் என கூறப்படுகிறது.

அதே நேரத்தில், தங்கம் விலை உயர்ந்து வருகிறது பார்த்தார் வெள்ளி விலையும் போட்டா போட்டிக்கொண்டு உயர்ந்து வருகிறது. வெள்ளி ஒரு கிராமுக்கு ரூ.8 உயர்ந்து, ரூ.318 என்ற விலையில் விற்பனை செய்யப்படுகிறது. இதனால் ஒரு கிலோ பார்வெள்ளியின் விலை ரூ.3,18,000 ஆக உயர்ந்துள்ளது.