சத்தமே இல்லாமல் கார்களின் விலை அதிரடி உயர்வு.. புது கார் வாங்க யோசித்தவர்கள் ஷாக்

சிட்ரோயன் நிறுவனம் தனது சிட்ரோயன் பசால்ட் எக்ஸ் மாடலின் விலையை மீண்டும் உயர்த்தியுள்ளது. பல்வேறு வேரியன்ட்களில் ரூ.35,000 முதல் ரூ.40,000 வரை விலை அதிகரிக்கப்பட்டுள்ளது. இந்த மாற்றம் உடனடியாக அமலுக்கு வந்துள்ளது. 2026 ஆம் ஆண்டு இது இரண்டாவது விலை திருத்தமாகும் என்பது குறிப்பிடத்தக்கது. விலை உயர்வுக்கான காரணத்தை நிறுவனம் அதிகாரப்பூர்வமாக அறிவிக்காதபோதிலும், உற்பத்திச் செலவுகள் உயர்வு மற்றும் பணவீக்கம் போன்ற காரணிகளின் பின்னணி காரணமாக இருக்கலாம்.

புதிய விலை விவரப்படி, சிட்ரோயன் பசால்ட் எக்ஸ் கார் “You” எனும் அடிப்படை வேரியன்ட் தற்போது ரூ.8.55 லட்சம் எக்ஸ்-ஷோரூம் விலையில் கிடைக்கிறது. இதற்கு முன்பு ரூ.8.15 லட்சமாக இருந்த நிலையில் ரூ.40,000 உயர்வு ஏற்பட்டுள்ளது. மேலும், 1.2 லிட்டர் நேச்சுரலி ஆஸ்பிரேட்டட் பெட்ரோல் இன்ஜின் கொண்ட “பிளஸ்” மேனுவல் வேரியன்டின் விலை ரூ.9.62 லட்சத்திலிருந்து ரூ.9.99 லட்சமாக உயர்ந்துள்ளது.

மேலும், டர்போ-பெட்ரோல் வேரியன்ட்களிலும் விலை உயர்வு தென்படுகிறது. “Plus Turbo” மேனுவல் மாடல் ரூ.11.02 லட்சத்தில் ரூ.11.42 லட்சமாகவும், “Max Turbo” மேனுவல் ரூ.12.07 லட்சத்தில் ரூ.12.47 லட்சமாகவும் உயர்ந்துள்ளது. “மேக்ஸ் டூயல் டோன்” மேனுவல் ரூ.12.28 லட்சத்தில் ரூ.12.68 லட்சமாக மாற்றப்பட்டுள்ளது. ஆட்டோமேட்டிக் வேரியன்ட்களிலும் சுமார் ரூ.40,000 வரை உயர்வு காணப்படுகிறது. இப்போது Plus, Max மற்றும் Dual Tone AT மாடல்களின் விலை முறையே ரூ.12.67 லட்சம், ரூ.13.75 லட்சம் மற்றும் ரூ.13.96 லட்சம் வரை சென்றுள்ளது.

இந்த மாடல் இரண்டு 1.2 லிட்டர் பெட்ரோல் இன்ஜின் ஆப்ஷன்களுடன் வருகிறது. ஒரு இன்ஜின் 80 bhp பவர் மற்றும் 115 Nm டார்க் வழங்கும், 5-ஸ்பீடு மேனுவல் கியர்பாக்ஸுடன் இணைக்கப்பட்டுள்ளது. மற்றொரு டர்போ சார்ஜ்டு இன்ஜின் 108.5 bhp மற்றும் 205 Nm டார்க் வழங்குகிறது, 6-ஸ்பீட் மேனுவல் அல்லது ஆட்டோமேட்டிக் கியர்பாக்ஸுடன் கிடைக்கிறது. இந்திய சந்தையில் இது டாடா கர்வ், ஹூண்டாய் க்ரெட்டா, மாருதி சுசுகி, கிராண்ட் விட்டாரா, கியா செல்டாஸ் போன்ற மாடல்களுக்கு போட்டியாக உள்ளது. வாங்குவதற்கு முன், உங்கள் நகர டீலர்களிடம் ஆன்ரோடு விலை மற்றும் சலுகைகள் குறித்து சரிபார்ப்பது நல்லது.