பாதுகாப்பில் தில்லு காட்டிய ஹிலக்ஸ்… ANCAP-ல் 5-ஸ்டார்! கிராஷ் டெஸ்ட் ரிசல்ட்டில் கலக்கல்

ஜப்பானைச் சேர்ந்த பிரபல வாகன தயாரிப்பாளர் டொயோட்டாவின் ஹிலக்ஸ் பிக்கப் டிரக், அதன் வலிமை மற்றும் நீடித்த உழைப்புத் தன்மைக்காக உலகம் முழுவதும் பெயர் பெற்றது. இப்போது, ​​இந்த வாகனம் பாதுகாப்பு அம்சங்களிலும் தன்னை நிரூபித்துள்ளது. 2025 டொயோட்டா ஹிலக்ஸ், ஆஸ்திரேலியாவின் ANCAP கிராஷ் டெஸ்டில் சிறந்த செயல்திறனை வெளிப்படுத்தி, ஐந்து நட்சத்திர பாதுகாப்பு மதிப்பீட்டை பெற்றுள்ளது. இது வாகனத்தின் கட்டமைப்பு தரம் மற்றும் மேம்பட்ட பாதுகாப்பு தொழில்நுட்பத்தின் வலுவைக் காட்டுகிறது.

பெரியவர்களின் பாதுகாப்பு சோதனைகளில் ஹிலக்ஸ் சிறப்பான மதிப்பெண்களைப் பெற்றுள்ளது. மொத்தம் 40 புள்ளிகளில் 33.96 புள்ளிகளை பெற்ற இந்த பிக்கப் டிரக், 84 சதவீத பாதுகாப்பு மதிப்பெண் பதிவு செய்யப்பட்டுள்ளது. முன்பக்க ஆஃப்செட் மோதல், பக்கவாட்டு மோதல், போல் சோதனை, முழு முன்பக்க மோதல் மற்றும் விப்லாஷ் பாதுகாப்பு போன்ற பல்வேறு சோதனைகளில், ஹிலக்ஸின் வலுவான கட்டமைப்பு, சீட் பெல்ட் மற்றும் ஏர்பேக் அமைப்புகளும் திறம்பட செயல்பட்டதாக தெரிவிக்கப்பட்டுள்ளது.

குழந்தைகளின் பாதுகாப்பு பிரிவிலும் ஹிலக்ஸ் பாராட்டைப் பெற்றுள்ளது. 49 புள்ளிகளில் 44 புள்ளிகளை பெற்று, 89 சதவீத பாதுகாப்பு மதிப்பெண்ணை அடைந்துள்ளது. ISOFIX, குழந்தை இருக்கை பொருத்தும் வசதி மற்றும் மோதல் நேரத்தில் பாதுகாப்பு வழங்கும் அமைப்புகள் இதற்கு காரணமாகக் கூறப்படுகிறது. இது குடும்ப பயணங்களுக்கான பாதுகாப்பான வாகனமாக ஹிலக்ஸை மேலும் உறுதிப்படுத்துகிறது.

பாதசாரிகள் மற்றும் சைக்கிள் ஓட்டுநர்கள் உட்பட பாதிக்கப்படக்கூடிய சாலை பயனர்களின் பாதுகாப்பிலும், ஹிலக்ஸ் 82 சதவீத மதிப்பெண் பெற்றுள்ளது. தானியங்கி அவசர பிரேக்கிங் (AEB), லென் அசிஸ்ட், ஸ்பீடு அசிஸ்ட், டிரைவர் மானிட்டரிங் போன்ற நவீன பாதுகாப்பு உதவி அமைப்புகள் இதில் இடம்பெற்றுள்ளன. இவ்வாறு, 2025 டொயோட்டா ஹிலக்ஸ், பாதுகாப்பு, தொழில்நுட்பம் மற்றும் நம்பகத்தன்மை ஆகியவற்றின் சிறந்த சமநிலையைக் கொண்ட ஒரு வலுவான பிக்கப் டிராக் ஆக நிரூபித்துள்ளது.