பிப்ரவரி மாத பலன்கள்: கோடி கோடியாக பணம் குவிக்கப் போகும் 5 ராசிகள்.! வாழ்க்கையில் ஜாக்பாட்.! உங்க ராசி இருக்கா?

மேஷ ராசிக்கு பிப்ரவரி மாதம் சிறப்பாக இருக்கும். கிரக பெயர்ச்சிகள் 11-வது வீடான லாப ஸ்தானத்தில் நிகழ இருக்கிறது. இதன் காரணமாக பொருளாதார நிலையில் பெரும் புரட்சி ஏற்படும். நீண்ட நாட்களாக நிலுவையில் இருந்த தொகைகள் வசூலாகும். புதிய முதலீடுகள் மூலம் லாபம் இரட்டிப்பாக கிடைக்கும். பொறுமை கூடும். திட்டமிட்டால் வேலைகள் சரியான நேரத்தில் முடியும். பிப்ரவரி 15-க்கு பிறகு மன அழுத்தம் குறையும். அவசர தேவைகள் வரும் என்பதால் செலவுகளை கட்டுப்படுத்த வேண்டியது அவசியம்.

ரிஷப ராசிக்கு இது நல்ல நேரமாகும். ரிஷப ராசியின் பத்தாம் வீடான தொழில் ஸ்தானத்தில் கிரகங்களின் சேர்க்கை நடைபெற இருப்பதால் உங்கள் கடின வேலை உழைப்புக்கேற்ற பலன்கள் கிடைக்கும். நீங்கள் எதிர்பார்த்த இட மாற்றம் அல்லது பெரிய நிறுவனங்களில் இருந்து வேலைக்கான வாய்ப்புகள் தேடி வரும். குடும்பத்தில் நிலவி வந்த குழப்பங்கள் நீங்கி அமைதி நிலவும். புதிய சொத்துக்கள் வாங்கும் முயற்சியில் வெற்றி கிடைக்கும். தொழிலில் முன்னேற்றம் காண்பீர்கள். பிப். 15 ஆம் தேதிக்குப் பின் நிலைமை சாதகமாகும். சொத்து, வாகனம் வாங்கும் யோகம் உண்டு. இருப்பினும் செலவில் கவனம் தேவை.

மிதுன ராசிக்கு இந்த மாதம் நல்ல மாதமாக இருக்கும். மிதுன ராசியின் ஒன்பதாம் வீடான பாக்கிய ஸ்தானத்தில் கிரகங்கள் சஞ்சரிப்பது மிதுன ராசிக்கு அதிர்ஷ்டத்தை வாரி வழங்க இருக்கிறது. தடைபட்ட காரியங்கள் அனைத்தும் தானாக முடிவுக்கு வரும். மாணவர்கள் உயர் கல்வியில் சிறந்து விளங்குவார்கள். வெளிநாடு சென்று படிக்க அல்லது பணி புரிவதற்கு எடுக்கும் முயற்சிகள் கைகூடும். தந்தை வழியில் சொத்துக்கள் அல்லது ஆதாயம் கிடைக்கும். பெரியவர்களின் ஆசி உறுதுணையாக இருக்கும். மார்க்கெட்டிங், மேலாண்மை, கற்பித்தல் என அனைத்திலும் முன்னேறுவீர்கள். புதிய திறன்களைக் கற்றுக்கொள்வீர்கள். மனம் மகிழ்ச்சியாக இருக்கும்.

கன்னி ராசிக்கு பிப்ரவரி மாதம் சிறப்பாக இருக்கும். கன்னி ராசியின் 6 ஆம் வீடான ருண, ரோக, சத்ரு ஸ்தானத்தில் இந்த மாற்றங்கள் நிகழ்ந்தாலும் அது உங்களுக்கு ராஜயோகத்தை கொடுக்கும். உங்களுக்கு எதிராக செயல்பட்டவர்கள் தாமாக விலகிச் செல்வார்கள். நீதிமன்ற வழக்குகளில் சாதகமான தீர்ப்பு வரும். நீண்ட நாட்களாக வாட்டி வதைத்து வந்த உடல் உபாதைகள் நீங்கி புத்துணர்ச்சி பெறுவீர்கள். கடன் பிரச்சினைகள் படிப்படியாக குறையும். வேலை அல்லது போட்டித் தேர்வுகளுக்கு தயாராகி வருபவர்களுக்கு சாதகமான முடிவுகள் கிடைக்கும். நீண்ட நாள் நிலுவையில் இருந்த பணிகள் முடியும். செலவுகளைக் கட்டுப்படுத்துங்கள். உணர்ச்சிவசப்பட்டு முடிவெடுக்காமல், சிந்தித்து செயல்படுங்கள்.

கும்ப ராசிக்கு பிப்ரவரி மாதம் முழுவதும் சிறப்பாக இருக்கும். கும்ப ராசியின் முதல் வீட்டில் கிரகங்களின் சேர்க்கை நடைபெறுவதால் நீங்கள் எடுக்கும் ஒவ்வொரு முடிவும் உங்கள் எதிர்காலத்தை மாற்றி அமைக்கும். உங்கள் பேச்சாற்றல் மற்றும் புத்தி கூர்மையால் பலரை ஈர்ப்பீர்கள். தன்னம்பிக்கை அதிகரிக்கும். எதையும் துணிச்சலுடன் எதிர்கொள்வீர்கள். திருமணத்தில் இருந்த தடைகள் நீங்கி, நல்ல வரன் அமையும். புதிய வருமான ஆதாரங்கள் உருவாகும். ஆடம்பரப் பொருட்களின் சேர்க்கை நிகழும். வாழ்க்கையில் முன்னேற்றம் காண்பீர்கள். சொத்துக்கள் வாங்கும் வாய்ப்புகள் உள்ளது. முதலீடுகள் லாபம் தரும். மாணவர்கள் நல்ல பலன்களைப் பெறுவார்கள்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)